माछापुुच्छ्रे बैंकद्वारा ब्राण्ड एम्बेसडर नियुुक्त

काठमाण्डौं, भदौ ३
माछापुच्छ्रे बैंकले व्यावसायिक प्रवद्र्धनको लागि ब्राण्ड एम्बेसडर नियुक्त गरेको छ । बैंकले नियुक्त गरेका ब्रान्ड एम्ब्यासडरहरुलाई पत्रकार सम्मेलन कार्यक्रम आयोजना गरी सार्वजनिक गरेको हो । बैंकले खेलकुद क्षेत्रका उदीयमान नामहरु मिरा राई, प्रतिमा शेर्पा र आर्यन गिरीलाई बैंकको ब्रान्ड एम्बेसडरको रुपमा नियुक्त गरेको हो । बैंकले आयोजना गरेको पत्रकार सम्मेलनमा मिरा राई, प्रतिमा शेर्पा र आर्यन गिरीले क्रमशः आफ्नो यात्रा, कठिनाइ एवं चुनौतीहरु, सफलताहरु र भावी योजनाहरुबारे मन्तव्य व्यक्त गरेका थिए । मिरा राई नेपाली म्याराथनको एक चर्चित नाम हो । विभिन्न अल्ट्रा म्याराथन खेलमा सहभागिता जनाइसकेकी मिरा राईले देश र विदेशमा थुप्रै उपाधि जितेकी छिन् । राईले २०१५ मा फ्रान्समा सम्पन्न ८० किलोमिटर विश्व म्याराथनमा पहिलो स्थान हासिल गरेकी थिइन् । विश्व अल्ट्रा म्याराथनमा आफूलाई स्थापित गर्दै आएकी धाविका मिरा राईले नेसनल ज्योग्राफिकले २०१७ मा सार्वजनिक गरेको एड्भेन्चर अफ द इयरको उपाधि समेत जितेकी थिइन् । त्यसैगरी प्रतिमा शेर्पा नेपालको नम्बर १ महिला गल्फर हुन् । रोयल नेपाल गल्फ क्लबमा हुुर्किएकी शेर्पाले १५ वर्षकै उमेरदेखि खेलको प्रशिक्षण लिएकी हुुन् । सानो उमेरमै लगातार उपाधि जित्न सफल भएपछि उनको चर्चा स्वदेशी मात्र नभएर विदेशी मिडियामा पनि भएको थियो । उनले पूर्व विश्व नं. १ टाइगर उड्सलाई समेत भेट्ने अवसर प्राप्त प्राप्त गरेकी थिइन् ।

उनको दुई महिने अमेरिका भ्रमणका दौरान ईएसपीएनले उनीमाथि एक वृत्तचित्र समेत निर्माण गरेको थियो । बैंकका अनुसार आर्यन गिरी अर्का १३ वर्षीय उदीयमान टेनिस खेलाडी हुन् । छ वर्षको कलिलै उमेरदेखि टेनिस सुरु गरेका गिरी बर्न सर्भाइभर हुन् । उनले नेपाल अन्डर १४ को नम्बर १ र एशिया अन्डर १४ मा नम्बर २९ स्थान बनाउन सफल खेलाडी हुन् । उनले आफ्नो मिहिनेत र परिश्रमले एसियाकै नम्बर १ हुने लक्ष्य राखेका छन् । पत्रकार सम्मेलनमा बैंकका प्रमुख कार्यकारी अधिकृत सुमन शर्माले मिरा राई, प्रतिमा शेर्पा र आर्यन गिरीजस्ता खेलाडीहरुलाई बैंकसँग आबद्घ गर्न पाउनु गौरवको विषय रहेको बताए । बैंकका पूर्वअध्यक्ष तथा पूर्वसांसद् डा. वीरेन्द्र प्रसाद महतोले समेत बैंकले नियुक्त गरेका ब्रान्ड एम्बेसडरहरुले बैंकलाई अझै उचाइमा पु-याउने बताए । बैंकका अध्यक्ष रोशन के.सी.ले पनि मिरा राई, प्रतिमा शेर्पा र आर्यन गिरीलाई माछापुच्छ्रे बैंकको सदस्यका रुपमा स्वागत गरे । बैंकले पूर्वमा झापादेखि पश्चिममा कञ्चनपुर साथै हिमालदेखि पहाड र तराईसम्म आफ्ना ८६ वटा शाखाहरु, दुुईवटा एक्सटेन्सन काउन्टरहरुलगायत २५ शाखारहित बैंकिङ सेवा समेत गरी जम्मा एक सय १३ स्थानबाट ग्राहक महानुभावहरुमा सम्पूर्ण बैंकिङ सुविधा प्रदान गरिरहेको छ । साथै, बैंकको देशभर ९९ वटा एटीएमहरु सञ्चालनमा रहेको छ । 

 

 

 


प्रतिक्रिया पठाउनुहोस्

Massage sent -  awaiting for approval

   
सहकारी–कृषि
कर्पोरेट
अन्तर्वार्ता

अस्वस्थ प्रतिस्पर्धा बैंकिङ क्षेत्रकै सबैभन्दा ठूलो समस्या हो

रूपन्देहीबाट उदाएका सक्षम बैंर्कसको रूपमा चिनिने प्रदिपकुमार श्रेष्ठ वित्तीय क्षेत्रको परिचित नाम हो । क्षेत्रीयस्तरबाट सञ्चालनमा आएका रूपन्देहीका दुई विकास बैंकहरू एक आपसमा मर्जर भएर बन्न लागेको तिनाउ मिसन डेभलपमेण्ट बैंक लिमिटेडको प्रमुख कार्यकारी अधिकृतको रूपमा पदीय जिम्मेवारी सम्हाल्नुले पनि श्रेष्ठको वित्तीय क्षेत्रमा सफल र सक्षम नेतृत्वले कुशल कार्यव्यवस्थापनमा महत्वपूर्ण भूमिका खेलेको प्रष्ट...

प्रदिपकुमार श्रेष्ठ प्रमुख कार्यकारी अधिकृत, तिनाउ मिसन डेभलपमेण्ट बैंक लि., रुपन्देही
कार्टून
cartoon

भिडियो
cyberlink adds

हाम्रो बारेमा

आर्थिक दैनिक चाहना पब्लिकेसन प्रा.लि.द्वारा प्रकाशित पूर्ण आर्थिक दैनिक पत्रिका हो ।

सम्पर्क

Chahana Publication (Pvt.) Ltd. , Aarthik National Daily (Aarthik Rastriye Dainik)

Setodewal Marg, Kupondole, Lalitpur

Tel : +977-1-5554236

Fax : +977-1-5523181

Email : aarthik.dainik@gmail.com

Marketing Email : marketing.arthikdainik@gmail.com