३ घण्टाको हवाइयात्रालाई स्पाइस जेटले १५ घण्टा लगाएपछि

 

नयाँ दिल्ली, वैशाख २९
भारतको एक एयरलाइन्स कम्पनीले ३ घण्टाको हवाइ यात्रा पूरा गर्न १५ घण्टा लगाएको छ । भारतीय सञ्चारमाध्यमहरुका अनुसार स्पाइसजेटले शुक्रबार ब्यांगलोरबाट नयाँ दिल्लीको ३ घण्टाको गन्तव्य पूरा गर्न १५ घण्टाको समय लगाएको हो । कम्पनीको एसजी ८७२० उडानको क्रममा यस्तो घटना भएको हो । सुनिश्चित समयतालिकाभन्दा डेढ घण्टा ढिलो गरी उडेको विमानमा एक समस्या आएपछि नागपुर डाइभर्ट गरिएको थियो । यात्रुलाई उद्धृत गर्दै नवभारत टाइम्सले लेखेको समाचार अनुसार कम्पनीको बोइङ ७३७ विमान त्यसपछि रातभर बन्द राखिएको थियो । यस क्रममा वैकल्पिक विमानले समेत यात्रुलाई लिएर उडेन ।

ब्यांगलोरबाट उडेको १ घण्टामा उक्त विमान नागपुरमा अवतरण भयो । अवतरणपछि ६ घण्टासम्म यात्रुलाई विमानभित्रै राखिएको थियो । त्यसपछि पुनः एयरपोर्टभित्र चार घण्टा कुराइयो । त्यसपछि शनिबार बिहान १० बजेमात्रै यात्रुलाई नयाँ विमानमा राखिएको थियो तर उक्त विमानमा पनि यात्रुहरु डेढ घण्टासम्म बस्नुप-यो । त्यसपछि पनि विमान नउडेको एक यात्रुले बताए । ब्यांगलोरबाट नयाँ दिल्ली सिधा उडान हो भने यो दूरीमा विमानलाई ३ घण्टा लाग्छ ।

यसैबीच, कम्पनीका प्रवक्ताले भने उक्त घटनाको बचाउ गरेका छन् । प्राविधिक समस्याको कारण विमान डाइभर्ट गर्नुपरेको उनले बताए । यात्रुहरुले बढी समय पर्खिनुपरेको विषयलाई भने उनले उनीहरुलाई रिफ्रेस हुन पर्याप्त समय दिइएको रुपमा व्याख्या गरेका थिए । त्यस्तै कम्पनीले नागपुरमा विमानभित्रै यात्रुलाई लामो समयसम्म राख्नुपरेकोमा समेत स्पष्टीकरण दिएको छ । उसले नागपुर विमानस्थल कम्पनीको अफलाइन स्टेसन भएकाले यस्तो भएको बताएको छ । वैकल्पिक विमानको व्यवस्था गर्न समेत आफ्ना कर्मचारी नभएकाले समय लागेको कम्पनीले जनाएको छ ।


प्रतिक्रिया पठाउनुहोस्

Massage sent -  awaiting for approval

   
सहकारी–कृषि
कर्पोरेट
अन्तर्वार्ता

ठग विपेन्द्रराज बतासबाट ठगिएका पहारी र श्रेष्ठको प्रश्न : मुद्दा दर्ता हुँदा पनि कास्की प्रहरीले किन पक्रिएको छैन ?

बतासजीसँग हाम्रो ५/६ वर्ष पहिलेदेखि चिनजान हो । हामीले पोखरामा होटल सिम्रिक बिक्रीमा छ भन्ने कुरा दाजु–भाइले थाहा पाएपछि त्यो लिन इच्छुक भयौँ । त्यो होटल रामकृष्ण देवकोटाको नाममा थियो । उहाँलाई हामीले बैना ग-यौँ । पाँच महिनासम्म त्यो हामीलाई पास गरेर दिन सक्नुभएन । विपेन्द्रराज बतासले टोप बहादुर परियारबाट जग्गा लिनुभएको...

जनकराज पहारी, दालप्रसाद श्रेष्ठ
कार्टून
cartoon

भिडियो
cyberlink adds

हाम्रो बारेमा

आर्थिक दैनिक चाहना पब्लिकेसन प्रा.लि.द्वारा प्रकाशित पूर्ण आर्थिक दैनिक पत्रिका हो ।

सम्पर्क

Chahana Publication (Pvt.) Ltd. , Aarthik National Daily (Aarthik Rastriye Dainik)

Setodewal Marg, Kupondole, Lalitpur

Tel : +977-1-5554236

Fax : +977-1-5523181

Email : aarthik.dainik@gmail.com

Marketing Email : marketing.arthikdainik@gmail.com