पाकिस्तानको आर्थिक वृद्धिदर आठ वर्षयता न्यून विन्दुमा रहने

कराँची, वैशाख ३०
पाकिस्तानको आर्थिक वृद्धिदर आठ वर्षयताकै न्यून विन्दुमा पुग्ने अनुमान प्रक्षेपण गरिएको छ । शुक्रबार सार्वजनिक सरकारी प्रतिवेदनले यस्तो तथ्यांक सार्वजनिक गरेको हो । पाकिस्तान अहिले अन्तर्राष्ट्रिय मुद्रा कोषसँग २२औँ जमानतका लागि प्रयास गरिरहेका बेला यस्तो तथ्यांक सार्वजनिक भएको हो । पाकिस्तानको नेशनल एकाउन्ट्स कमिटीले सार्वजनिक गरेको रिपोर्टमा चालू आवमा लक्षित ६.२ प्रतिशतको वृद्धिलाई चुनौती दिँदै ३.३ प्रतिशत मात्रै आर्थिक वृद्धि हासिल हुने नयाँ तथ्यांक बाहिर ल्याएको छ ।

यद्यपि यो अन्तिम तथ्यांक भने होइन तर यसले पाकिस्तानी अर्थतन्त्र निकै सुस्त गतिमा अगाडि बढेको भने देखाएको छ । पाकिस्तानले सन् २००८ मा कोषबाट पाएको प्याकेजजस्तै यसपटक पनि पाउने आशा गरिरहेको छ । पाकिस्तानले उक्त समयमा ७.६ बिलियन डलरको ऋण पाँच वर्षका लागि पाएको थियो । कोषले यसपटक पनि सहयोग गर्न सक्ने तर धेरै कडाइ गर्न सक्ने बताइएको छ । पाकिस्तानमा सन् २०१८ को जनवरीयता मुद्रा अवमूल्यन ३० प्रतिशतले भएको छ भने आर्थिक संकट बढ्दो क्रममा छ । आईएमएफले २.९ प्रतिशतको आर्थिक वृद्धिदर अनुमान गरेको छ । जुन यथार्थ भए १० वर्षयताकै न्यून विन्दु हुनेछ ।

गत महिना नै पाकिस्तानका सरकारी अधिकारीले कोषसँग सहमतिको खाका तयार भइसकेको बताएका थिए । कोषसँग पाकिस्तानका पूर्व विश्व बैंकका अधिकारी समेत रहिसकेका अब्दुल हफिज शेखले सहमतिको प्रयास गरिरहेका छन् । उनी सन् २०१० देखि ०१३ सम्म पाकिस्तानको अर्थमन्त्री समेत बनेका थिए । तर यता अमेरिकाले भने कोषसँग ऋण लिएर पाकिस्तानले चिनियाँ ऋण तिर्न खर्च गर्न सक्ने भन्दै नजिकबाट हेरिरहेको चेतावनी दिइसकेको छ । चीनले बेल्ट एण्ड रोड इनिसिएटिभ परियोजनाअन्तर्गत पाकिस्तानमा खर्बौँको ऋण लगानी गरिरहेको छ ।

पाकिस्तान सन् १९५० मा आईएमएफसँग आबद्ध भएको थियो । त्यसयता कोषले २१ पटक ऋण दिइसकेको छ । सन् २०१३ मा मात्रै पाकिस्तानले कोषबाट ६ अर्ब ६० करोड डलर ऋण पाएको थियो । पाकिस्तानले भर्खरै मात्र मुख्य व्यापारिक साझेदार यूएईबाट ३ अर्ब डलरको सहयोग पाएको थियो । त्यस्तै उसले साउदी अरेबियाबाट पनि ६ अर्ब डलरको कोष सुविधा पाएको थियो । 


प्रतिक्रिया पठाउनुहोस्

Massage sent -  awaiting for approval

   
सहकारी–कृषि
कर्पोरेट
अन्तर्वार्ता

अस्वस्थ प्रतिस्पर्धा बैंकिङ क्षेत्रकै सबैभन्दा ठूलो समस्या हो

रूपन्देहीबाट उदाएका सक्षम बैंर्कसको रूपमा चिनिने प्रदिपकुमार श्रेष्ठ वित्तीय क्षेत्रको परिचित नाम हो । क्षेत्रीयस्तरबाट सञ्चालनमा आएका रूपन्देहीका दुई विकास बैंकहरू एक आपसमा मर्जर भएर बन्न लागेको तिनाउ मिसन डेभलपमेण्ट बैंक लिमिटेडको प्रमुख कार्यकारी अधिकृतको रूपमा पदीय जिम्मेवारी सम्हाल्नुले पनि श्रेष्ठको वित्तीय क्षेत्रमा सफल र सक्षम नेतृत्वले कुशल कार्यव्यवस्थापनमा महत्वपूर्ण भूमिका खेलेको प्रष्ट...

प्रदिपकुमार श्रेष्ठ प्रमुख कार्यकारी अधिकृत, तिनाउ मिसन डेभलपमेण्ट बैंक लि., रुपन्देही
कार्टून
cartoon

भिडियो
cyberlink adds

हाम्रो बारेमा

आर्थिक दैनिक चाहना पब्लिकेसन प्रा.लि.द्वारा प्रकाशित पूर्ण आर्थिक दैनिक पत्रिका हो ।

सम्पर्क

Chahana Publication (Pvt.) Ltd. , Aarthik National Daily (Aarthik Rastriye Dainik)

Setodewal Marg, Kupondole, Lalitpur

Tel : +977-1-5554236

Fax : +977-1-5523181

Email : aarthik.dainik@gmail.com

Marketing Email : marketing.arthikdainik@gmail.com