बाँकेमा गर्मी बढेसँगै विद्युतीय सामग्रीको व्यापार बढ्यो

बाँके, वैशाख ३१
बाँकेको नेपालगञजमा अरु वर्षको तुलनामा गर्मी ह्वात्तै बढेको छ । शनिबार यहाँको तापक्रम अहिलेसम्मकै उच्च विन्दुमा पुगेको मौसम विभागले जनाएको छ । जल तथा मौसम विज्ञान विभाग फिल्ड कार्यालय नेपालगञ्जका अनुसार सबैभन्दा बढी तापक्रम गत शनिबार अधिकतम ४३ दशमलव ५ डिग्री सेल्सियस पुगेको थियो । कार्यालयका मौसम विज्ञान सहायक योजना बस्ताकोटीले भनिन्, ‘शनिबार यहाँ यो वर्षकै सबैभन्दा बढी तापक्रम मापन गरियो । जुन अघिल्ला वर्षको यही अवधिको तापक्रमभन्दा धेरै हो ।’

उनका अनुसार नेपालगञ्जमा सन् २०१२ जुन १४ मा अहिलेसम्मकै सर्वाधिक तापक्रम ४५ डिग्री सेल्सियस मापन गरिएको थियो । सर्वाधिक गर्मीका साथै तातो हावा चल्न थालेपछि यहाँको जनजीवन झन उकुसमुकुस बनेसँगै नेपालगञ्जमा गर्मी छल्न प्रयोग गरिने विद्युतीय सामग्रीको व्यापार पनि ह्वात्तै बढेको छ । गर्मीबाट बच्न आवश्यक समान किन्न बजार धाउनेहरुको संख्या पनि बढ्न थालेको छ । गर्मी बढेसँगै विद्युतीय सामग्रीप्रति उपभोक्ताको आकर्षण बढ्दो छ । गर्मीबाट बच्न उपभोक्ताहरु पंखा, एसी र कुलरलगायतका विद्युतीय सामग्रीप्रति आकर्षित बनेका छन् । त्यसैले पनि यी व्यवसायमा सक्रियहरुलाई यतिबेला भ्याइनभ्याइ छ । वैशाखको सुरुवातदेखि नै बढेको पंखा, एसी, कुलरको व्यापार महिनाको अन्तिमसम्म आइपुग्दा दोब्बरले बढेको छ । अझै पंखा, एसी र कुलरलगायतका विद्युतीय सामग्रीको व्यापारमा वृद्धि हुने व्यवसायीहरुको विश्वास छ ।

नेपालगञ्जको घरबारी टोलमा रहेको सहनाज इलेक्ट्रोनिक्सका सञ्चालक सफिक अहमद साहका अनुसार गर्मी बढेसँगै गर्मीका समयमा प्रयोग गरिने विभिन्न घरायसी विद्युतीय सामाग्रीहरुको व्यापार बढेको छ । गर्मीमा प्रयोग गरिने पंखा, एसी, कुलरलगायतका सामग्रीहरुको माग बढ्दै गएको सञ्चालक साहले जानकारी दिए । बजारमा एलजी, सामसुङ ब्रान्डका साथै भारतीय ब्राण्डका पंखा, कुलर, एसीजस्ता समग्रीहरुको माग बढी भएको उनले बताए । उनको पसलबाट पछिल्लो एक सातायता यस्ता सामग्रीहरुको दैनिक बिक्री संख्या तुलानात्मक रुपले बढेको पाइएको छ । सञ्चालक साहले भने, ‘गर्मी बढेपछि औसत व्यापार हुने भए पनि केही दिनयता गर्मी छल्न प्रयोग गरिने घरायसी सामग्रीहरुको खपत बढेको छ ।’ नेपालगञ्ज–१९ का रविन शर्मा गर्मी अत्यधिक बढ्ेका कारण आफूले घरमा एसी जोड्न बाध्य हुनुपरेको बताउँछन् ।

‘गर्मीले रातभर सुत्न गाह्रो भयो, एसी जोडेपछि गर्मीबाट बच्न थोरै भए पनि राहत मिलेको छ’ शर्माले भने । गर्मी अत्यधिक बढेपछि उपभोक्ताहरुले विद्युतीय सामग्रीहरु खरिद गरेर प्रयोग गर्न थालेका हुन् । नेपालगञ्जमा तीन दर्जनभन्दा बढी इलेक्ट्रोनिक्स पसल रहेका छन् । यी सबै पसलमा गर्मी छल्न प्रयोग गरिने घरायसी सामग्रीहरुको बिक्री बढेको छ । व्यवसायीहरुले अघिल्लो वर्षको तुलनामा यस वर्षको गर्मीमा ५० देखि ६० प्रतिशतसम्मको व्यापार बढ्ने लक्ष्य लिएका छन् ।


प्रतिक्रिया पठाउनुहोस्

Massage sent -  awaiting for approval

   
सहकारी–कृषि
कर्पोरेट
अन्तर्वार्ता

ठग विपेन्द्रराज बतासबाट ठगिएका पहारी र श्रेष्ठको प्रश्न : मुद्दा दर्ता हुँदा पनि कास्की प्रहरीले किन पक्रिएको छैन ?

बतासजीसँग हाम्रो ५/६ वर्ष पहिलेदेखि चिनजान हो । हामीले पोखरामा होटल सिम्रिक बिक्रीमा छ भन्ने कुरा दाजु–भाइले थाहा पाएपछि त्यो लिन इच्छुक भयौँ । त्यो होटल रामकृष्ण देवकोटाको नाममा थियो । उहाँलाई हामीले बैना ग-यौँ । पाँच महिनासम्म त्यो हामीलाई पास गरेर दिन सक्नुभएन । विपेन्द्रराज बतासले टोप बहादुर परियारबाट जग्गा लिनुभएको...

जनकराज पहारी, दालप्रसाद श्रेष्ठ
कार्टून
cartoon

भिडियो
cyberlink adds

हाम्रो बारेमा

आर्थिक दैनिक चाहना पब्लिकेसन प्रा.लि.द्वारा प्रकाशित पूर्ण आर्थिक दैनिक पत्रिका हो ।

सम्पर्क

Chahana Publication (Pvt.) Ltd. , Aarthik National Daily (Aarthik Rastriye Dainik)

Setodewal Marg, Kupondole, Lalitpur

Tel : +977-1-5554236

Fax : +977-1-5523181

Email : aarthik.dainik@gmail.com

Marketing Email : marketing.arthikdainik@gmail.com