पाकिस्तानलाई अन्तर्राष्ट्रिय मुद्रा कोषको ६ अर्ब डलर ऋण

कराँची, वैशाख ३१
अन्तर्राष्ट्रिय मुद्रा कोषले पाकिस्तानलाई ६ अर्ब अमेरिकी डलर ऋण दिने भएको छ । बढ्दो आर्थिक संकटको सामना गर्न आईएमएफले उक्त ऋण दिएको हो । यद्यपि यससम्बन्धी प्रस्ताव आईएमएफको व्यवस्थापनबाट पारित हुन भने बाँकी छ । आगामी ३ वर्षसम्ममा उक्त रकम पाकिस्तानले ऋण सहायतास्वरुप पाउनेछ । यसका लागि पाकिस्तानले महिनौँदेखि प्रयास गरिरहेको थियो ।

पाकिस्तानसँग अहिले अन्तर्राष्ट्रिय मुद्रा बचत छैन । आईएमएफले एक विज्ञप्ति जारी गर्दै पाकिस्तानले आर्थिक वातावरणका लागि संघर्ष गरिरहेको, मूल्यवृद्धि बढेको, उच्च ऋणमा डुबेकोजस्ता कारण देखिएकाले यस्तो सहयोग गर्नुपरेको बताएको छ । उक्त सहयोग आर्थिक वृद्धिदर बढाउन प्रयोग हुने तथा व्यावसायिक वातावरण निर्माणमा परिचालन हुने पनि उसले जनाएको छ ।

गत वर्ष अगस्टमा पाकिस्तानी प्रधानमन्त्रीमा निर्वाचित इमरान खानले पटक पटक अन्तर्राष्ट्रिय समुदायसँग सहयोगको याचना गर्दै आएका थिए । तर यता अमेरिकाले भने कोषसँग ऋण लिएर पाकिस्तानले चिनियाँ ऋण तिर्न खर्च गर्न सक्ने भन्दै नजिकबाट हेरिरहेको चेतावनी दिइसकेको छ । चीनले बेल्ट एण्ड रोड इनिसिएटिभ परियोजनाअन्तर्गत पाकिस्तानमा खर्बौँको ऋण लगानी गरिरहेको छ ।

पाकिस्तान सन् १९५० मा आईएमएफसँग आबद्ध भएको थियो । त्यसयता कोषले २१ पटक ऋण दिइसकेको छ । सन् २०१३ मा मात्रै पाकिस्तानले कोषबाट ६ अर्ब ६० करोड डलर ऋण पाएको थियो । पाकिस्तानले भर्खरै मात्र मुख्य व्यापारिक साझेदार यूएईबाट ३ अर्ब डलरको सहयोग पाएको थियो । त्यस्तै उसले साउदी अरेबियाबाट पनि ६ अर्ब डलरको कोष सुविधा पाएको थियो । यसैबीच, कोषले पाकिस्तानको चालू आवको आर्थिक वृद्धिदर २.९ प्रतिशत रहने बताएको छ । पाकिस्तानसँग अहिले ९० अर्ब डलर वैदेशिक ऋण रहेको छ । कोषबाहेक पाकिस्तानले २ देखि ३ अर्ब डलर विश्व बैंक र एसियाली विकास बैंकबाट पाउने आशा गरेको छ । 


प्रतिक्रिया पठाउनुहोस्

Massage sent -  awaiting for approval

   
सहकारी–कृषि
कर्पोरेट
अन्तर्वार्ता

अस्वस्थ प्रतिस्पर्धा बैंकिङ क्षेत्रकै सबैभन्दा ठूलो समस्या हो

रूपन्देहीबाट उदाएका सक्षम बैंर्कसको रूपमा चिनिने प्रदिपकुमार श्रेष्ठ वित्तीय क्षेत्रको परिचित नाम हो । क्षेत्रीयस्तरबाट सञ्चालनमा आएका रूपन्देहीका दुई विकास बैंकहरू एक आपसमा मर्जर भएर बन्न लागेको तिनाउ मिसन डेभलपमेण्ट बैंक लिमिटेडको प्रमुख कार्यकारी अधिकृतको रूपमा पदीय जिम्मेवारी सम्हाल्नुले पनि श्रेष्ठको वित्तीय क्षेत्रमा सफल र सक्षम नेतृत्वले कुशल कार्यव्यवस्थापनमा महत्वपूर्ण भूमिका खेलेको प्रष्ट...

प्रदिपकुमार श्रेष्ठ प्रमुख कार्यकारी अधिकृत, तिनाउ मिसन डेभलपमेण्ट बैंक लि., रुपन्देही
कार्टून
cartoon

भिडियो
cyberlink adds

हाम्रो बारेमा

आर्थिक दैनिक चाहना पब्लिकेसन प्रा.लि.द्वारा प्रकाशित पूर्ण आर्थिक दैनिक पत्रिका हो ।

सम्पर्क

Chahana Publication (Pvt.) Ltd. , Aarthik National Daily (Aarthik Rastriye Dainik)

Setodewal Marg, Kupondole, Lalitpur

Tel : +977-1-5554236

Fax : +977-1-5523181

Email : aarthik.dainik@gmail.com

Marketing Email : marketing.arthikdainik@gmail.com