आठ अर्ब रुपैयाँको विकास ऋणपत्र बिक्री

काठमाडौै, जेठ १
नेपाल राष्ट्र बैंकले आठ अर्ब रुपैयाँबराबरको ऋणपत्र बिक्री गरेको छ । मंगलबार राष्ट्र बैैकले सात बर्षे अवधिको विकास ऋणपत्र २०८६ ‘ख’ बिक्री गरेको हो ।जारी मिति यही जेठ १ गते तोकिएको ऋणपत्रको परिपक्व हुने अवधि भने वि.सं. २०८३ जेठ १ गते छ । बोलकबोलको माध्यमद्वारा बिक्री गरिएको उक्त ऋणपत्रको खरिदको लागि बैंक तथा वित्तीय संस्था, गैरबैंक वित्तीय संस्था, बीमा कम्पनी, संगठित संस्था तथा नेपाली नागरिक नागरिकहरुले सहभागिता जनाएका थिए । राष्ट्र बैंकका अनुुसार खरिद गरिएको उक्त ऋणपत्र धितो राखेर बैंक तथा फाइनान्स कम्पनीहरुसँग कर्जा लिन र दिन समेत पाइनेछ ।

अर्धवार्षिक रुपमा हुने र आर्जित ब्याजमा ब्याजकर लाग्ने यो ऋणपत्र खरिदको लागि प्रतिस्पर्धी र अप्रतिस्पर्धी समूहभित्र रहेर ऋणपत्र बिक्री गरिएको राष्ट्र बैंकले जानकारी दिएको छ । राष्ट्र बैंकका अनुसार प्रतिस्पर्धी र अप्रतिस्पर्धी बोलवालाहरुलार्ई क्रमशः निष्काशित रकमको ८० र २० प्रतिशत अर्थात् छ अर्ब ४० करोड र एक अर्ब ६० करोड छुट्याइएको थियो । अप्रतिस्पर्धी बोलवालाहरुलाई छुट्याइएको रकमको लागि पूरा बोल प्राप्त नभएमा बाँकी हुन आउने रकम प्रतिस्पर्धी बोलवालाहरुलाई बिक्री गरिने व्यवस्थाअनुुरुप नै रहेर उक्त ऋणपत्र बिक्री गरिएको राष्ट्र बैंकले जानकारी दिएको छ ।

राष्ट्र बैंकका अनुसार खरिद गरिएको ऋणपत्रको दोस्रो बजार कारोबार नेपाल स्टक एक्सचेन्जमार्फत हुुनेछ । राष्ट्र बैंकले आगामी असार मसान्तसम्म ८६ अर्ब रुपैयाँबराबरको आन्तरिक ऋण उठाउने लक्ष्य लिएको छ । सोहीअनुुरुप ३६ अर्ब रुपैयाँबराबरको ट्रेजरी बिल र ५० अर्ब रुपैयाँबराबरको विकास ऋणपत्र बिक्री गर्ने योजना राष्ट्र बैंकले अघि सारेको छ । यसअन्तर्गत पहिलो चरणमा यही वैशाख ३० गतेदेखि जेठ १४ गतेसम्म ३६ अर्ब रुपैयाँबराबरको ट्रेजरी बिल बिक्री हुुनेछ । यसैगरी विकास ऋणपत्रअन्तर्गत जेठ १ गते भने आठ अर्ब रुपैयाँबराबरको विकास ऋणपत्र २०८३ (ख) बिक्री भएको छ भने जेठ ३ गते पुुनः नौ वर्षे अवधिको आठ अर्ब रुपैयाँको विकास ऋणपत्र २०८५ (ग) बिक्री हुुनेछ । सो पश्चात् जेठ ६ गते १० वर्षे अवधिको छ अर्ब रुपैयाँबराबरको विकास ऋणपत्र २०८६ (ग) बिक्री हुुनेछ ।

राष्ट्र बैंकका अनुसार जेठ ८ गते पनि ११ वर्षे अवधिको छ अर्ब रुपैयाँबराबरको विकास ऋणपत्र २०८७ (ख) बिक्री हुुनेछ । सो पश्चात् जेठ १० गते पनि १३ वर्षे अवधिको छ अर्ब रुपैयाँबराबरको विकास ऋणपत्र २०८९ (ख) बिक्री हुुनेछ । जेठ १३ गते भने १४ वर्षे अवधिको आठ अर्ब रुपैयाँबराबरको विकास ऋणपत्र २०९० बिक्री हुुनेछ । यसैगरी जेठ १५ गते पनि आठ अर्ब रुपैयाँबराबरको विकास ऋणपत्र २०८२ (ग) बिक्री हुुनेछ । राष्ट्र बैंकका अनुुसार उक्त ऋणपत्रको परिपक्व हुुने अवधि भने छ वर्ष तोकिएको छ ।


प्रतिक्रिया पठाउनुहोस्

Massage sent -  awaiting for approval

   
सहकारी–कृषि
कर्पोरेट
अन्तर्वार्ता

अस्वस्थ प्रतिस्पर्धा बैंकिङ क्षेत्रकै सबैभन्दा ठूलो समस्या हो

रूपन्देहीबाट उदाएका सक्षम बैंर्कसको रूपमा चिनिने प्रदिपकुमार श्रेष्ठ वित्तीय क्षेत्रको परिचित नाम हो । क्षेत्रीयस्तरबाट सञ्चालनमा आएका रूपन्देहीका दुई विकास बैंकहरू एक आपसमा मर्जर भएर बन्न लागेको तिनाउ मिसन डेभलपमेण्ट बैंक लिमिटेडको प्रमुख कार्यकारी अधिकृतको रूपमा पदीय जिम्मेवारी सम्हाल्नुले पनि श्रेष्ठको वित्तीय क्षेत्रमा सफल र सक्षम नेतृत्वले कुशल कार्यव्यवस्थापनमा महत्वपूर्ण भूमिका खेलेको प्रष्ट...

प्रदिपकुमार श्रेष्ठ प्रमुख कार्यकारी अधिकृत, तिनाउ मिसन डेभलपमेण्ट बैंक लि., रुपन्देही
कार्टून
cartoon

भिडियो
cyberlink adds

हाम्रो बारेमा

आर्थिक दैनिक चाहना पब्लिकेसन प्रा.लि.द्वारा प्रकाशित पूर्ण आर्थिक दैनिक पत्रिका हो ।

सम्पर्क

Chahana Publication (Pvt.) Ltd. , Aarthik National Daily (Aarthik Rastriye Dainik)

Setodewal Marg, Kupondole, Lalitpur

Tel : +977-1-5554236

Fax : +977-1-5523181

Email : aarthik.dainik@gmail.com

Marketing Email : marketing.arthikdainik@gmail.com