अमेरिकी भन्सार शुल्कवृद्धिको निशानामा ३ खर्ब डलरका चिनियाँ वस्तु

बेइजिङ, जेठ १
अमेरिकी अधिकारीहरुले ३ खर्ब डलर मूल्यका चिनियाँ वस्तुमा भन्सार शुल्क २५ प्रतिशत पु-याउने तयारी थालेका छन् । अघिल्लो साता नै २ खर्ब डलर मूल्यका चिनियाँ वस्तुमा भन्सार शुल्क बढाएको अमेरिकाले पुनः १ खर्ब डलर मूल्यका चिनियाँ वस्तुहरुमा भन्सार शुल्क बढाउन सूची तयार गरिरहेको हो ।अमेरिकाले भन्सार शूल्क बढाएसँगै चीनले पनि ६० अर्ब डलरका अमेरिकी वस्तुमा उत्तिकै मात्रामा मे १ देखि लागू हुने गरी शुल्क बढाउने बताइसकेको छ । सोमबार मात्रै चीनले शुल्कवृद्धिबाटै प्रतिवाद गरेपछि अमेरिकाले थप १ खर्ब मूल्यका वस्तुको सूची तयार गरिरहेको बताइएको छ । दुवै देश एक अर्काविरुद्ध उत्रिएसँगै विश्वव्यापी आर्थिक वृद्धिदरलाई लिएर चिन्ता बढेको छ ।

प्रविधिप्रतिको चिनियाँ महत्वाकांक्षलाई लिएर पश्चिमा देशहरु चिन्तित बनिरहेका छन् ।यता चिनियाँ विदेश मन्त्रालयका प्रवक्ता गेंग शुआंगले चीनले पनि आफ्नो स्वार्थको रक्षा गर्ने क्षमता राख्ने प्रतिक्रिया दिएका छन् । अमेरिकाले ३ हजार ८ सय ५ वटा वस्तुको सूची तयार पारेको बताइएको छ । यसमा ल्यापटप, कम्प्युटर, स ब्लेड, टर्बाइन सामान, लसुन आदि परेका छन् । अमेरिकाले यसपछि औषधिजन्य र खनिजजन्य पदार्थमा पनि भन्सार महसुल बढाउने तयारी गरेको छ । गत वर्षको जुलाईदेखि अमेरिकी राष्ट्रपति डोनाल्ड ट्रम्पले चिनियाँ वस्तुमाथि भन्सार शुल्क बढाउन सुरु गरेका थिए ।

विश्व सेयर बजारमा असर :- यसैबीच, दुई देशबीच पुनः व्यापारिक तनाव चर्किएपछि विश्व सेयरबजारमा त्यसको असर देखिनथालेको छ । मंगलबार एसियाली सेयरबजार ओरालो लागेको छ । चीनको मुख्य बजार इन्डेक्स ०.७ प्रतिशतले ओरालो लाग्दा टोकियोको बेन्चमार्क ०.६ प्रतिशतले घटेको छ । त्यसलाई हंगकंग, अस्ट्रेलिया र ताइवानले पछ्याएका छन् । तर युरोपमा भने यसको ठीक उल्टो देखिएको छ । त्यस्तै अमेरिकी डो जोन्स इन्डस्ट्रियल र एसएण्डपी ५०० पनि ०.५ प्रतिशत र ०.६ प्रतिशतले बढेका छन् ।

सोमबार डो जोन्स २.४ प्रतिशतले घटेको थियो भने टेक हेभी नास्डाक ३.४ प्रतिशतले ओर्लिएको थियो । यसका बाबजुद अमेरिकी राष्ट्रपति ट्रम्पले चीनसँग अझै सम्झौता हुनेमा आशावादी रहेको बताएर लगानीकर्तालाई आश्वस्त पारिरहेका छन् । उपयुक्त समयमा चीनसँग सम्झौता हुने उनको भनाइ छ । २० राष्ट्रको बैठकमा चिनियाँ राष्ट्रपति सि जिनपिंगसँग भेटवार्ता गर्ने उनले सोमबार बताएका थिए । जी२० राष्ट्रका प्रमुखहरुबीच जापानको ओसाकामा जुन २८ र २९ मा भेटघाट सम्मेलन हुँदै छ । 

 


प्रतिक्रिया पठाउनुहोस्

Massage sent -  awaiting for approval

   
सहकारी–कृषि
कर्पोरेट
अन्तर्वार्ता

अस्वस्थ प्रतिस्पर्धा बैंकिङ क्षेत्रकै सबैभन्दा ठूलो समस्या हो

रूपन्देहीबाट उदाएका सक्षम बैंर्कसको रूपमा चिनिने प्रदिपकुमार श्रेष्ठ वित्तीय क्षेत्रको परिचित नाम हो । क्षेत्रीयस्तरबाट सञ्चालनमा आएका रूपन्देहीका दुई विकास बैंकहरू एक आपसमा मर्जर भएर बन्न लागेको तिनाउ मिसन डेभलपमेण्ट बैंक लिमिटेडको प्रमुख कार्यकारी अधिकृतको रूपमा पदीय जिम्मेवारी सम्हाल्नुले पनि श्रेष्ठको वित्तीय क्षेत्रमा सफल र सक्षम नेतृत्वले कुशल कार्यव्यवस्थापनमा महत्वपूर्ण भूमिका खेलेको प्रष्ट...

प्रदिपकुमार श्रेष्ठ प्रमुख कार्यकारी अधिकृत, तिनाउ मिसन डेभलपमेण्ट बैंक लि., रुपन्देही
कार्टून
cartoon

भिडियो
cyberlink adds

हाम्रो बारेमा

आर्थिक दैनिक चाहना पब्लिकेसन प्रा.लि.द्वारा प्रकाशित पूर्ण आर्थिक दैनिक पत्रिका हो ।

सम्पर्क

Chahana Publication (Pvt.) Ltd. , Aarthik National Daily (Aarthik Rastriye Dainik)

Setodewal Marg, Kupondole, Lalitpur

Tel : +977-1-5554236

Fax : +977-1-5523181

Email : aarthik.dainik@gmail.com

Marketing Email : marketing.arthikdainik@gmail.com