मिलिजुली कालिञ्चोकको ११औँ सेवा केन्द्र मैनापोखरीमा

दोलखा । मिलिजुली कालिञ्चोक बचत तथा ऋण सहकारी संस्थाले आफ्नो ११औँ सेवा केन्द्र बैतेश्वर गाउँपालिका–५ को मैनापोखरी बजारमा स्थापना गरेको छ । जिल्ला सदरमुकाम चरिकोटमा मुख्य कार्यालय रहेकोे यो संस्थाले आफ्नो ३१ औँ स्थापना दिवसको अवसरमा मैनापोखरीमा सेवा केन्द्र सञ्चालनमा ल्याएको हो ।

सहकारीको नयाँ सेवा केन्द्रको उद्घाटन बैतेश्वर गाउँपालिका अध्यक्ष छवि लामाले गरेका छन् । सो कार्यक्रममा अध्यक्ष लामाले जिल्लाभरका सहकारी संस्थालाई पछिल्लो समय देखिएका समस्या समाधानमा जोड दिन आग्रह गरे । उनले नाफामुखी नभई सदस्यलाई सेवा दिन सुझाव दिए । कार्यक्रममा संस्थाका अध्यक्ष नारायणबहादुर श्रेष्ठले संस्थाले वार्षिक एक अर्ब २७ करोड रुपैयाँ बराबरको कारोबार गर्न सफल भएको बताए ।