सन्तोष पौडेल
बीरगञ्ज, जेठ ११
खेत जोत्ने चटारोमा रहेका ग्रामीण क्षेत्रका कृषकहरुमा इन्धनको अभाव भएको छ । पर्साको ग्रामीण क्षेत्रका आयल स्टोरहरूले पनि इन्धन नपाएको बताएका छन् । लामो समयदेखि इन्धन बोकेको ट्यांकर गाउँमा नआएको पेट्रोलपम्प सञ्चालकहरूले बताए । इन्धन नआएर सकिन लागेकोले किसानहरूको मागअनुसार उपलब्ध गराउन नसकेको उनीहरूको भनाइ छ । पोखरिया कृष्ण आयल स्टोरमा ३ घण्टा लाइनमा बसेपछि ५० लिटर डिजेल पाएको भिखमपुर निवासी सन्तोष पटेलले बताए ।
किसानको लागि सरकारले डिजेलको सहज आपूर्ति गरिदिनुपर्ने उनीहरूको माग छ । इन्धन उपलब्ध भएमा खेतीपाती गर्न सहज हुने पटेर्वासुगौलीका राजेशदास थारू बताउँछन् । पेट्रोलियम पदार्थको सहज आपूर्ति भइरहेको बताउने सरकारले सहरमा सवारी नचलेको बेला पनि ग्रामीण किसानलाई डिजेल उपलब्ध गराउन नसक्नु लाजमर्दो भएको भन्दै किसानहरूले आक्रोश पोखिरहेका छन् ।
त्यसैगरि ठोरी गाउँपालिकाको क्षेत्रमा रहेको एउटा मात्र पेट्रोलपम्प विजयबस्तीको नेवा आयल स्टोरमा बिहान ४ बजेदेखि बेलुका ६ बजेसम्म डिजेल र पेट्रोल लिन लाइन लाग्ने गरेको छ । दिनभरि लाइनमा बस्दा पनि किसानको आवश्यकता अनुसार डिजेल नपाएको उपभोक्ताहरूको गुनासो छ । ३० लिटरदेखि ५० लिटरसम्म मात्रै उपभोक्तालाई पम्पले डिजेल दिने गरेको छ । पम्पमा डिजेल अभाव भएकोले मागअनुसार दिन नसकेको र यहाँ ठोरी, जगरनाथपुर, जीराभवानी गापालगायतबाट कृषकहरू डिजेल किन्न आउने गरेका पम्प सञ्चालकको भनाइ छ ।
क्याटेगोरी : सहकारी–कृषि
ताजा अपडेट
- कांग्रेस नेता अफताब आलमलाई जन्मकैदको सजाय
- मुख्यमन्त्री कँडेललाई विश्वासको मत
- आगलागीबाट ७९ घर जले, एकको मृत्यु
- उपनिर्वाचनमा सेना परिचालन गर्न स्वीकृति प्रदान
- डेभलपमेण्ट बैंकर्स एशोसिएसन नेपालको प्रमुख कार्यकारी अधिकृतमा डंगोल नियुक्त
- सिटिजन लाइफद्वारा जेन जेड लक्षित कार्यक्रम सञ्चालन
- सय दिनको रोजगारीको लागि १५ हजार बढीको आवेदन
- सूर्य नेपाल काठमाडौं ओपनको दोस्रो दिन दिनेश र भुवन शीर्षस्थानमा
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया