बाख्रापालक कृषकलाई बोयर जातका उन्नत बोका वितरण
इटहरी, मंसिर २६
इटहरी उपमहानगरले वाख्रा पालक कृषकलाई बोयर जातका उन्नत बोका वितरण गरेको छ । नगरप्रमुख द्वारिकलाल चौधरीले एक कार्यक्रमका बीच नेपालमै उन्नत मानिने बोयर जातका १४ वटा बोका वितरण गरेका हुन् । करिब १० लाखको लागतमा चितवनबाट ल्याएर बोका वितरण गरिएको हो । प्रतिबोका ५० हजार उपमहानगरको अनुदान र थप रकम कृषकको लगानी रहेको इटहरी उपमहानगर पशुपक्षी विकास शाखा प्रमुख दुर्गा बहादुर श्रेष्ठले बताए । कृषकहरुलाई बोका वितरण कार्यक्रममा नगरप्रमुख द्वारिकलाल चौधरीले इटहरीलाई कृषिमा आत्मनिर्भर बनाउने सोचअनुरुप मासुमा आत्मनिर्भर बनाउन उन्नत जातका बोका वितरण गरिएको बताए ।
उनले कृषि क्षेत्रको व्यवसायीकरण र आधुनिकीकरणका लागि नगरपालिका लागिपरेको बताए । वडा नम्बर १७ का अध्यक्ष भगवान लाल साहुले अब धान र गहुँ खेती गरेर मात्र नहुने कृषिलाई आधुनिकीकरण गर्नुपर्नेमा जोड दिए । इटहरी बोयर बाख्रापालन समूहका अध्यक्ष राजु बस्नेतले स्थानीय सरकारले कृषकलाई उन्नत जातका बोका वितरण गरेर प्रशंसनीय कार्य गरेको बताए । सबैभन्दा नजिकको सरकारले यसरी कृषकलाई प्रोत्साहन गरेमा विदेश जानुपर्ने अवस्थाको अन्त्य हुने बताए ।
क्याटेगोरी : सहकारी–कृषि
ताजा अपडेट
- गत वर्ष सडकमार्गबाट चार लाख पर्यटक मुस्ताङ पुगे
- एक सातापछि अवरुद्ध टेलिफोन सेवा सञ्चालनमा
- अफ्रिकी किशोरी भन्छन्: नेपाली भाषा र संस्कृति लैजान्छौँँ
- एकीकृत समाजवादीले सदस्यताको प्रमाणीकरण गर्दै
- सुनको मूल्य तोलामा सात सयले बढ्यो
- दक्षिण कोरिया आर्थिक विकासको सुत्र
- लगानी कोष र सिउरी न्यादी पावरबीच सम्झौता
- ‘नवीकरणीय ऊर्जा वर्ष’ मनाउने तयारी
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया