उखुको भुक्तानी नपाएपछि उद्योगीको घरमा तालाबन्दी
काठमाडौं, पुस १५
उखु किसानहरूले भुक्तानी नपाएपछि चिनी मिलका सञ्चालकका घरमा तालाबन्दी गरिदिएका छन् । अन्नपूर्ण सुगर मील र इन्दिरा सुगर मील सञ्चालन गर्दै आएको राकेश अग्रवालको त्रिपुरेश्वरमा रहेको निजी निवासमा तालाबन्दी गरेका हुन् । अग्रवालको अन्नपूर्ण सुगर मिलले उखु किसानलाई ४० करोड रूपैयाँ र इन्दिरा सुगर मीलले १० करोड रूपैयाँ भुक्तानी दिन बाँकी रहेको छ । उनी अहिले फरार रहेका छन् । त्यस्तै श्रीराम, लुम्बिनी, महालक्ष्मी र बागमती सुगर मिलले पनि किसानलाई भुक्तानी दिएका छैनन् ।
किसानलाई उखुको भुक्तानी नदिने चिनी मिलका सञ्चालकलाई सरकारले कुनै पनि किसिमको कारबाही गर्न सकेको छैन् । संसद्को उद्योग बाणिज्य र श्रम तथा उपभोक्त हित समितिले भने उखु किसानहरूलाई पैसा दिलाउन सरकारलाई निर्देशन दिएको छ । किसानको पैसा नतिर्नेलाई राज्यको सबै संयन्त्र लगाएर कारबाही गर्न पनि समितिले सरकारलाई निर्देशन दिएको छ । उखु किसानले भुक्तानी नपाएपछि राजधानी आएर आन्दोलन गरेका थिए । उनीहरूले सोमबार संसदीय समितिमा समेत उपस्थित भएर आफ्नो पीडा सुनाएका छन् ।
उखु किसानलाई हितेश गोल्छा र विशाल अग्रवालको श्रीराम सुगर मिलले ४२ करोड रूपैयाँ दिन बाँकी छ । नेपाल सरकारबाट भाडा लिएर मनिष अग्रवालले सञ्चालन गरेको लुम्बिनी चिनी कारखानाले पनि किसानलाई १० करोड भुक्तानी दिएको छैन् । दुई वर्षअघि अग्रवालको निधन भइसकेको छ । त्यस्तै प्रदेश नम्बर दुईका प्रदेशसभा सांसद एवं कांग्रेस नेता वीरेन्द्र कनोडियाको महालक्ष्मी सुगर मिलले पनि २० करोड रूपैयाँ भुक्तानी गरेको छैन । राम थापा र जगदीश अग्रवालको बागमती सुगर मीलले पनि उखु किसानको ११ करोड रूपैयाँ भुक्तानी गर्न बाँकी रहेको छ ।
कृषिमन्त्री घनश्याम भुसालले संसदीय समितिको बैठकमा अन्नपूर्ण र इन्दिरा सुगरमिलका मालिक अग्रवाल र महालक्ष्मी सुगर मिलका मालिक कनौडिया भागेको बताए । बैठकमा वाणिज्य सचिव डा. बैकुण्ठ अर्यालले उद्योगी पक्राउ गर्दा गलत म्यासेज जाने भएकाले सम्पर्कमा ल्याइदिन गृहलाई आइतबार परिपत्र गरिसकेको बताए । छवटा चिनी उद्योगले उखु किसानलाई एक अर्ब ३३ करोड रूपैयाँ भुक्तानी गर्न बाँकी रहेको उखु उत्पादक महासंघ र चिनी उद्योग संघले जनाएको छ । मुलुकभर १३ चिनी उद्योग छन् । चिनी उद्योगसँगै उखु किसानले सरकारबाट पाउने अनुदानबापतको रकम समेत पाउन सकेका छैनन् । गत वर्षको करिब एक अर्ब ३३ करोड रकम अनुदान किसानले नपाएका हुन् । गत वर्ष प्रतिक्विन्टल उखुको मूल्य पाँच सय ३६ रूपैयाँ तोकिएको थियो, जसमध्ये सय ७१ उद्योगी र बाँकी सरकारले अनुदानस्वरूप दिनुपर्ने थियो तर सरकारले अनुदानको रकम दिएको छैन् ।
क्याटेगोरी : सहकारी–कृषि
ताजा अपडेट
- तीन अन्तर्राष्ट्रिय विमानस्थल सञ्चालनको सुझाव दिन गठित समितिले किन दियो निजगढ विमानस्थल बनाउने सुझाव
- के शिक्षामन्त्रीले चाहेर मात्रै दलमा आबद्ध शिक्षकहरूलाई बर्खास्त गर्न सम्भव छ?
- इजरेल र इरानसँग कति हतियार छन्, सैन्य शक्ति कसको बढी छ ?
- एमाले राष्ट्रिय महाधिवेशन प्रतिनिधि परिषद् बैठक
- देशभर पश्चिमी वायु र स्थानीय वायुको आंशिक प्रभाव कायमै
- युएई एसिसी प्रिमियर कपको फाइनलमा, नेपाल छ विकेटले पराजित
- प्रत्येक प्रदेशमा एउटा औद्योगिक क्षेत्र बिस्तारको कार्यक्रम ल्याइने : मन्त्री भण्डारी
- पूर्वमुख्यसचिव शाक्यको राजकीय सम्मानका साथ अन्त्येष्टि
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया