हिउँदे वर्षा नहुँदा अलैँची कृषक चिन्तित
सोलुखुम्बु ।
समयमा हिउँदे वर्षा नहुँदा सोलुखुम्बुका अलैँची कृषक चिन्तित बनेका छन् । अलैँचीमा हिउँदे सिँचाइ अनिवार्य भए पनि समयमै हिउँदे वर्षा नहुँदा समस्या भएको कृषकहरूको गुनासो छ । अलैँची लगाएको क्षेत्रका कृषकहरूले अहिले खोल्सा तथा कुवाको पानीबाट अलैँचीमा सिँचाइ गर्न थाले पनि त्यो पर्याप्त नहुने सोलुखुम्बु लिखुपिकेका कृषक दिपेन्द्र कार्कीले बताए ।
उनका अनुसार आकसे पानी ढिलो पर्दा आगामी वर्ष अलैँची उत्पादनमा गिरावट आउने निश्चितजस्तै बनेको छ । जसले अलैँची खेतीमा संलग्न किसानमा चिन्ता बढाएको छ । केही कृषकहरूले कुलो तथा पाइपको माध्यमबाट सिँचाइ गरिरहेका छन् भने कतिपय कृषकहरू आकसे पानीको पर्खाइमा रहेको अर्का कृषक प्रेमबहादुर बस्नेतले बताए ।
बस्नेतका अनुसार अलैँचीलाई मंसिरमा भएको वर्षाले फाइदा पु-याउने भए पनि यसवर्षको माग पहिलो साता बितिसक्दा पनि वर्षा हुन सकेको छैन । जसको प्रत्यक्ष असर उत्पादनमा पर्ने देखिएको हो । लिखुपिके क्षेत्रका कृषकहरू विगत २० वर्षदेखि मुख्य नगदेबालीका रूपमा अलैँची खेती गर्दै आएका छन् । पछिल्लो समय रोग तथा मूल्यमा आएको गिरावटबाट आजित भएका किसानलाई समयमा पानी नपर्दा थप समस्या हुनपुगेको हो । आम्दानीको मुख्य स्रोत रहेको अलैँचीको उत्पादनमा गिरावट आउने भएपछि जीविकोपार्जनका लागि समेत समस्या हुने चिन्ताले सताएको किसानहरूको भनाइ छ ।
कुनै समय अलैँचीको भाउ राम्रो हुँदा लिखुपिके गाउँपालिका वडा नम्बर २, ३, ४ र ५ का अधिकांश कृषकहरूले अन्नबाली हुने खेतबारी मासेर अलैँचीको खेती गरेका थिए । तर पछिल्लो समयमा विभिन्न रोगव्याधिका कारण उत्पादनमा गिरावट आउनुका साथै भाउ समेत निरन्तर ओरालो लाग्दा अलैँची खेती गर्ने वा अन्य खेती गर्ने भन्ने विषयमा आफूहरू अन्यौलमा रहेको स्थानीयको भनाइ छ ।
सोलुखुम्बुको जिल्लाको लिखुपिके, महाकुलुङ, थुलुङ दुधकोशी र सोताङ गाउँपालिकाको विभिन्न क्षेत्रमा अलैँची खेती गरिँदै आएको छ । सुरु सुरुमा प्रतिमन एक लाख रूपैँयासम्ममा अलैँची बिक्री गरेका किसानहरूले पछिल्लो समय भने २०/२५ हजारमा पनि बिक्री गर्न समस्या हुनेगरेको गुनासो गर्दै आएका थिए ।
क्याटेगोरी : सहकारी–कृषि
ताजा अपडेट
- कांग्रेस नेता अफताब आलमलाई जन्मकैदको सजाय
- मुख्यमन्त्री कँडेललाई विश्वासको मत
- आगलागीबाट ७९ घर जले, एकको मृत्यु
- उपनिर्वाचनमा सेना परिचालन गर्न स्वीकृति प्रदान
- डेभलपमेण्ट बैंकर्स एशोसिएसन नेपालको प्रमुख कार्यकारी अधिकृतमा डंगोल नियुक्त
- सिटिजन लाइफद्वारा जेन जेड लक्षित कार्यक्रम सञ्चालन
- सय दिनको रोजगारीको लागि १५ हजार बढीको आवेदन
- सूर्य नेपाल काठमाडौं ओपनको दोस्रो दिन दिनेश र भुवन शीर्षस्थानमा
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया