सुबास बस्नेत
दोलखा, पुस २७
कालिञ्चोक गाउँपालिकाको एक वडालाई किबी पकेट क्षेत्र घोषणा गरिएको छ । उच्च भेगमा रहेको कालिञ्चोक गाउँपालिका वडा नम्बर ६ का किसानले गाउलाई किबी पकेट क्षेत्रको रूपमा विकास गर्न भन्दै सामूहिक किबी खेती सुरु गरेका छन् । दुई सय १४ हेक्टरमा फैलिएको जमिनमा करिब ४० हजार किबीको बिरुवा रोपिएको छ । गाउँपालिकाले किसानलाई निःशुल्क किबीको बिरुवा वितरण गरेको थियो । शुक्रबार एक औपचारिक कार्यक्रम आयोजना गरी एक सय ३४ जना कृषकहरुले बिरुवा रोपेर सामूहिक खेतीको आरम्भ गरेका हुन् ।
कालिञ्चोक गाउँपालिकाको चाथली क्षेत्रमा किबी जोन दोलखाले जमिन परीक्षण गरेको थियो । किबी उत्पादनको लागि जमिन प्रमुख भूमि देखिएकाले केही गैरसरकारी संस्थाको सहकार्यमा गाउँपालिकाले दुई सय ५० किसानलाई ४० हजार किबी बिरुवा वितरण गरेको कालिञ्चोक गाउँपालिका अध्यक्ष विनकुमार थामीले जानकारी दिए । अध्यक्ष थामीले स्थानीय किसानसँग सहजीकरण गरेर किबी उत्पादन समूहको फर्म निर्माण गरी किबीका बिरुवा वितरण गरेको बताए । स्थानीय कृषकलाई भूकम्प कार्डको आधारमा किबीको बिरुवा वितरण गरिएको हो ।
चाइथलीका कृषक गाउँपालिका र गैरसरकारी संस्थाको पहलमा आधुनिक प्रणालीबाट खेती गर्न पाएपछि खुसी भएका छन् । सो क्षेत्रमा सुरु गरेको किबी खेतीको नियमित रूपमा गाउँपालिका र किबी जोन दोलखाले अनुगमन गरिरहनेछ । त्यस्तै भर्खरै खुलेको लापिलाङ कृषि प्राविधिक स्कुलका विद्यार्थी आफ्नो तालिमको प्राक्टिकल सोही पकेट क्षेत्रमा गर्नेछन् । अहिले सोही विद्यालयका करिब एक सय विद्यार्थीले किबी रोप्न सहयोग गरेका छन् ।
क्याटेगोरी : सहकारी–कृषि
ताजा अपडेट
- शिक्षाका लागि विद्यालयको पूर्वाधार निर्माण आवश्यक छ : मन्त्री राई
- स्वास्थ्यमन्त्री यादवलाई रास्वपाको २६ बुँदे सुझाव
- हिमालमा हेलिकोप्टरको सहारा
- चार दशमलव ७८ अंकले उक्लियो सेयर बजार
- राष्ट्रियसभाका उपाध्यक्षद्वारा राजीनामा
- पुँजीगत बजेट खर्च नहुने अवस्थाको अन्त्य हुनुपर्छ : प्रधानमन्त्री
- मन्त्री चौधरी र राजदूत हेक्काबीच भेटवार्ता
- चीनको औद्योगिक मुनाफामा उच्च वृद्धि
धेरैले पढेको
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- एक्सेल डेभलपमेन्ट बैंकको ट्राफिक प्रहरीलाई सहयोग
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- इन्फिनिटी लघुवित्तको सातै प्रदेशमा तालिम सम्पन्न
- चिया पसल पनि कम्पनी ?
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
- नेपाली अमेरिका कलाकार सङ्घमा बसन्ती राई
तपाईको प्रतिक्रिया