दोलखा । जिल्लाको बैतेश्वर गाउँपालिकाले यस वर्षदेखि गाउँपालिकाभित्रका गाईभैँसीलाई कृत्रिम गर्भाधान गर्न सुरु गरेको छ । गाउँपालिकाले पशुको नश्ल सुधार गरेर मासु तथा दुध उत्पादन वृद्धि गर्ने उद्देश्यले पहिलो पटक कृत्रिम गर्भाधानको सुरुवात गरेको बैतेश्वर गाउँपालिका भेटेनरी शाखाका प्रमुख शान्तिप्रसाद दाहालले जानकारी दिए ।
पशुहरूको वंशाणु विकास गरेर पशुपालक किसानलाई थप लाभान्वित बनाउन गाउँपालिकाको अनुदान सहयोगमा कृत्रिम गर्भाधान विधिबाट गाईभैँसी र बाख्रामा कृत्रिम गर्भाधान गर्न सुरु गरिएको प्रमुख दाहालले बताए । गत आइतबारदेखि गाउँपालिकाको पशुसेवा कार्यालय मैनापोखरीबाट निःशुल्क कृत्रिम गर्भाधान गर्न सुरु गरिएको हो । हालसम्म तीनवटा भैँसी र चारवटा गाईमा कृत्रिम गर्भाधान गरिएको उनले बताए ।
चालू वर्षमा गाउँपालिकाले कृत्रिम गर्भाधान विधि सञ्चालन गर्न दुई लाख अनुदान दिएकाले एआई सञ्चालन गरिएको हो । तरल नाइट्रोजन १९६ डिग्रीसेलसियसको चिसो पनमा राँगा, बोका र साँढेको बीउलाई लामो समयसम्म सुरक्षित राख्ने हुँदा गाईभैँसी र बाख्रामा कृत्रिम गर्भाधान दिँदा उत्पादन वृद्धि र विकास हुने भएकाले गाउँपालिकाले एआई सञ्चालन गरेको हो ।
गाउँपालिकाले कृत्रिम गर्भाधानका लागि पशु सेवा कार्यालयमा पशुहरू लिएर आउने किसानका गाईभैँसीलाई शुल्कविना नै एआई गरिदिने गरेको छ भने किसानकै गोठमा पुगेर कृत्रिम गर्भाधान (एआई) गर्दा प्राविधिकले पेट्रोल शुल्क मात्र लिनेगरेको गाउँपालिकाले जनाएको छ ।
क्याटेगोरी : सहकारी–कृषि
ताजा अपडेट
- युएई एसिसी प्रिमियर कपको फाइनलमा, नेपाल छ विकेटले पराजित
- प्रत्येक प्रदेशमा एउटा औद्योगिक क्षेत्र बिस्तारको कार्यक्रम ल्याइने : मन्त्री भण्डारी
- पूर्वमुख्यसचिव शाक्यको राजकीय सम्मानका साथ अन्त्येष्टि
- सांसद हसिना खानद्वारा सपथ ग्रहण
- कांग्रेस सबै जात, धर्म र वर्गको पार्टी हो : सहमहामन्त्री राठोर
- ग्रीन हाइड्रोजन उत्पादनका लागि बुद्धभूमि हाइड्रो र केयूबीच सम्झौता
- घाँस काट्ने क्रममा रुखबाट खसेर मृत्यु
- गत वर्ष सडकमार्गबाट चार लाख पर्यटक मुस्ताङ पुगे
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया