काठमाडौं विश्वविद्यालयको सहकार्यमा सहकारी डिप्लोमा कोर्स सञ्चालन
काठमाडौं । राष्ट्रिय सहकारी महासंघ र काठमाडौं विश्वविद्यालयबीच डिप्लोमा इन को–अपरेटिभ म्यानेजमेन्ट कोर्स सञ्चालन गर्ने विषयमा सम्झौता भएको छ । अगामी पुस १ बाट सुरु हुनलागेको सहकारी व्यवस्थापनसम्बन्धी डिप्लोमा कोर्स काठमाडौं विश्वविद्यालयका विज्ञ प्राध्यापकहरुद्वारा सञ्चालन गरिनेछ ।
महासंघका महाप्रबन्धक चित्राकुमारी थाम्सुहाङ सुब्बा र काठमाडौं विश्वविद्यालय स्कुल अफ म्यानेजमेन्टका डिन प्रा.डा. देवी बिँडारीले शुक्रबार सम्झौतापत्रमा हस्ताक्षर गरेका हुन् । सो सम्झौताअनुसार काठमाडौं विश्वविद्यालयले विश्वविद्यालयको सिकाइ अध्यापनशास्त्रमा आधारित कार्यक्रम पद्धतिलाई अनुसरण गरेर कोर्स सञ्चालन गर्नेछ । महासंघका महाप्रबन्धक सुब्बाले सहकारी संघ/संस्थाहरुमा दक्ष र प्रतिस्पर्धी जनशक्ति उत्पादन गरी अब्बल रुपमा सञ्चालन गर्नका लागि यो कोर्स कोशेढुङ्गा साबित हुने दाबी गरे ।
नेपालमा पहिलो पटक विश्वविद्यालयको सहकार्यमा सहकारीको डिप्लोमा कोर्स संचालन हुन लागेको वताउदै महाप्रबन्धक सुब्बाले यसअघि नेपालबाट सहकारीको डिप्लोमा गर्नका लागि भारत जानुपर्ने वाध्यता अव अन्त्य भएको वताए । तीन महिने कोर्स पुरा गरेपछि विश्वविद्यालयले प्रमाणित गर्ने सट्टिफिकेट हुने भएकाले यसमा आकर्षण बढेको छ । पहिलो पल्ट सिमित सिटमा कोर्स पाइलटिङका रुपमा संचालन गर्न लागिएको सो कोर्सको पहिलो ब्याजका लागि आवेदन दिनेको संख्या उत्साहप्रद भएको उनको भनाई छ ।
कार्यक्रकममा डिन वेडारीले विश्वविद्यालयले यस्तो सम्झौता गरेर कोर्स सञ्चालन गरेको यो पहिलो पटक भएको बताए । केयुका उद्यमशीलता तथा मार्केटिङ विभागका प्रमुख डा. विनोद कृष्ण श्रेष्ठले प्राज्ञिक विषयवस्तुका साथै समूह कार्य र इन्टर्नसिपलगायतका प्रयोगात्मक विधिबाट सो कोर्स अध्यापन गराइने बताए । पहिलो ब्याजमा ३० जनाको सिट रहेको महासंघले जनाएको छ । महासंघले यसअघि पनि काठमाडौं विश्वविद्यालयसँग मिलेर कोर्स डिजाइन गर्नेदेखि गरिबी निवारणमा सहकारीको योगदानसम्बन्धी अध्ययन अनुसन्धान कार्यसमेत सम्पन्न गरेको छ ।
क्याटेगोरी : सहकारी–कृषि
ताजा अपडेट
- मुस्ताङमा लेक लागेर तीन वर्षमा २९ जनाको मृत्यु
- विश्व वरियतामा ऐरीको नयाँ कीर्तिमान
- नेपालद्वारा साउदी अरेबिया छ विकेटले पराजित
- दुर्घटना अपडेटः गम्भीर घाइतेलाई उपचारका लागि कोहलपुर पठाइयो
- एन्फाका उपाध्यक्ष दावा लामा लागू औषध कारोवार गरेको आरोपमा पक्राउ
- आठ ओभरमा सीमित खेलमा नेपालविरुद्ध ब्याटिङ गर्दै साउदी अरेबिया
- गाजाको शरणार्थी शिविरमा आक्रमण : सात बालबालिकासहित १३ को मृत्यु
- अर्थमन्त्री पुन र विश्व बैंकका दुई उपाध्यक्षबीच भेटवार्ता
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया