जनसचेतन बन्यो दोलखाको पहिलो सेक्युरिटी अडिट गर्ने सहकारी

काठमाडौं । दोलखाको जनसचेतन बचत तथा ऋण सहकारी संस्था सेक्युरिटी अडिट गरेको छ । संस्थाले डिजिटल डेटालाई सुरक्षित राख्न र प्रणालीमा रहेका जोखिम पहिचान, जोखिमको वर्गीकरण गरी ह्याक हुनबाट रोक्न तथा उक्त जोखिमले भविष्यमा निम्त्याउन सक्ने खतरालाई न्यूनीकरण गर्नका लागि सेक्युरिटी अडिट गरको हो ।

सूचना प्रविधि प्रणालीको सुरक्षा गर्न संस्थागत संरचना निर्माण एवं क्षमता अभिवृद्धि गर्दै प्रविधि र जनशक्तिको संयोजनबाट सूचना प्रविधि प्रणालीमा हुनसक्ने सम्भावित क्षतिलाई न्यूनीकरण गर्न सुरक्षा अडिट गर्ने कार्य प्रारम्भ गरेको सहकारीका प्रमुख कार्यकारी अधिकृत नवराज दाहालले जनाए ।