दोलखा । दोलखाका पुराना मौरीपालक कृषक कर्णबहादुर तामाङ मौरीपालनमा लागेको ४० वर्ष भयो । २०४० सालदेखि मौरीपालन गर्न थालेको उनले यही पेसाबाटै वार्षिक पाँच लाख रुपैयाँसम्म आम्दानी गर्ने गरेको बताए ।
बैतेश्वर गाउँपालिका–१ बगरका कृषक तामाङले एक सय १० घारमौरी पालेका छन् । परिवारमा आठ सदस्य रहे पनि हिजोआज घरमा कर्णको दम्पतीमात्रै छन् । उनले एउटा दुहोनो भैंसी पनि पालेका छन् भने ३२ रोपनी क्षेत्रफलको जग्गामा लौठ सल्ला, १० रोपनीमा अलैँची, १५ रोपनीमा किबी, १२ रोपनीमा आलु, तीन रोपनीमा बुद्धचित्त लगाएका छन् । यसैगरी दुई रोपनी जग्गामा नर्सरी बनाएर किबीको बिरुवासमेत उत्पादन गरिसकेको बताए । उनले दैनिक पाँच जनालाई रोजगारीसमेत दिएका छन् । तामाङको घरमा काम गर्न तामाकोशी गाउँपालिका–२ झुलेबाट महिलाहरू गैरीमुदी आउने गरेका छन् । उनको किबीको नर्सरीमा रेड, हेवाड, मन्टी र एलिसन जातको २० हजार किबीको बिरुवा उत्पादन हुँदै आएको छ ।
यस्तै, उनलाई पछिल्ला वर्षहरूमा सरकारी निकायले समेत सहयोग गर्ने छ । चालु आर्थिक वर्षमा बैतेश्वर गाउँपालिकाले मौरी स्टोर गर्ने कारखाना घर निर्माण गर्न सात लाख ५० हजार रुपैयाँ अनुदान सहयोग गरेको तामाङले सुनाए । गतवर्ष पनि उनलाई कृषि ज्ञान केन्द्रले केही अनुदान सहयोग गरेको थियो । उत्पादन गरेको वस्तुलाई बिक्री गर्ने बजार र सिँचाइको भने केही अभाव रहेको तामाङले गुनासो गरे । नजिकमा बजार नहुँदा मह, बुद्धचित्त, किबीको बिरुवा, अलैँची, आलु, जापानिज नास्पातीको बिरुवा बेच्न तामाङलाई समस्या भएको छ । नर्सरीमा हुर्केका बिरुवा बेच्न तयार भए पनि समयमा बिक्री गर्न नसकेको तामाङले सुनाए ।
क्याटेगोरी : सहकारी–कृषि
ट्याग : #Page 8
ताजा अपडेट
- तीन अन्तर्राष्ट्रिय विमानस्थल सञ्चालनको सुझाव दिन गठित समितिले किन दियो निजगढ विमानस्थल बनाउने सुझाव
- के शिक्षामन्त्रीले चाहेर मात्रै दलमा आबद्ध शिक्षकहरूलाई बर्खास्त गर्न सम्भव छ?
- इजरेल र इरानसँग कति हतियार छन्, सैन्य शक्ति कसको बढी छ ?
- एमाले राष्ट्रिय महाधिवेशन प्रतिनिधि परिषद् बैठक
- देशभर पश्चिमी वायु र स्थानीय वायुको आंशिक प्रभाव कायमै
- युएई एसिसी प्रिमियर कपको फाइनलमा, नेपाल छ विकेटले पराजित
- प्रत्येक प्रदेशमा एउटा औद्योगिक क्षेत्र बिस्तारको कार्यक्रम ल्याइने : मन्त्री भण्डारी
- पूर्वमुख्यसचिव शाक्यको राजकीय सम्मानका साथ अन्त्येष्टि
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया