काठमाडौं, पुस १७
नेपाल आयल निगमले पेट्रोल र डिजेलको मूल्यवृद्धि गरेको छ । वृद्धि भएको मूल्य बुधबारको मध्यरातिदेखि लागू भएको छ । निगमका अनुसार पेट्रोलमा प्रतिलिटर दुई रुपैयाँ र डिजेल तथा मट्टितेलमा पनि समान दुई रुपैयाँका दरले मूल्यवृद्धि गरिएको छ । नयाँ मूल्यवृद्धिअनुसार अब काठमाडौं उपत्यकामा पेट्रोलको मूल्य प्रतिलिटर एक सय ११ रुपैयाँ पुगेको छ भने डिजेल र मट्टितेलको मूल्य प्रतिलिटर एक सय रुपैयाँ पुगेको छ ।
अन्तर्राष्ट्रिय बजारमा कच्चा तेलका मूल्यवृद्धि भएको भन्दै भारतीय आयल कर्पोरेसनले नयाँ मूल्यसूची पठाएपछि निगमले पनि मूल्यवृद्धि गरेको हो । नेपालले अन्तर्राष्ट्रिय बजारबाट पेट्रोलियम पदार्थ नउठाई भारतबाट उठाउने गरेको छ । भारतले नै महंगो मूल्यमा खरिद गरेको कारण नेपालले मूल्यवृद्धि गर्नुपरेको हो ।
निगमले स्वचालित मूल्य निर्धारण प्रणालीअनुसार मूल्यवृद्धि गरेको जनाएको छ । उक्त प्रणाली भनेको अन्तर्राष्ट्रिय बजारमा मूल्यवृद्धि हुँदा नेपालमा पनि हुने र घट्दा नेपालमा पनि घट्ने हो । तर, अन्तर्राष्ट्रिय बजारमा धेरै मूल्य घट्दा नेपालमा भने सामान्य तरिकाले मात्र मूल्यवृद्धि घट्ने गरेको आम उपभोक्ताको गुनासो रहेको छ । नेपालमा सवारीसाधन अधिक सञ्चालन हुने गरेको कारण पेट्रोलियम पदार्थको खपत बढ्ने गरेको छ । अहिले हिउँदे सिजन भएको कारण पनि धूले सडक पार गर्दै हजारौं सवारीसाधन गुड्ने गरेका छन् । यसले पनि नेपालमा पेट्रोलियम पदार्थको खपत हिउँदमा बढ्ने गरेको छ ।
भारतभन्दा नेपालमा सस्तो :- निगमका अनुसार बुधबार भारतीय आयल कर्पोरेसनबाट प्राप्त पेट्रोलियम पदार्थको नयाँ अन्तर्राष्ट्रिय बजार मूल्यबमोजिमको खरिद मूल्य केही बढेर आएको हो । हवाइ इन्धन र एलपी ग्यासको खुद्रा बिक्री मूल्य यथावत् रहेको जनाइएको छ । यसअघि इन्डियन आयल कर्पोरेसनले डिसेम्बर १६ मा पठाएको मूल्यअनुरुप निगमले पुस १ गते डिजेल र मट्टितेलको मूल्य समायोजन गरेको थियो । मूल्य समायोजनपश्चात् नेपालतर्फको वीरगञ्ज नाकाको तुलनामा भारतको रक्सौलमा कायम भएको पेट्रोलको खुद्रा बिक्री मूल्य भारतभन्दा
प्रतिलिटर १८ रुपैयाँ ६७ पैसा र डिजेलको खुद्रा बिक्री मूल्य १८ रुपैयाँ २७ पैसा सस्तो हुन गएको छ । मूल्य समायोजनपश्चात् निगमको डिपो र बिक्री विन्दुदेखि १५ किलोमिटर क्षेत्रभित्र पेट्रोलको खुद्रा बिक्री मूल्य काठमाडौँ (थानकोट), सुर्खेत र दिपायलमा रु १११ प्रतिलिटर, पोखरा, दाङमा ११० रुपैयाँ ५० पैसा र अन्य तराई क्षेत्र (चारआली, विराटनगर, महेन्द्रनगर (धनुषा), वीरगञ्ज, अमलेखगञ्ज, भलवारी, नेपालगञ्ज र धनगढी) मा रु १०९ रुपैयाँ ५० पैसा प्रतिलिटर कायम गरिएको छ ।
डिजेल र मट्टीतेलको खुद्रा बिक्री मूल्य काठमाडौँ (थानकोट), सुर्खेत र दिपायलमा १०० प्रतिलिटर, पोखरा, दाङमा ९९ रुपैयाँ ५० पैसा र अन्य तराई क्षेत्र (चारआली, विराटनगर, महेन्द्रनगर (धनुषा), वीरगञ्ज, अमलेखगञ्ज, भलबारी, नेपालगञ्ज र धनगढी) मा ९८ रुपैयाँ ५० पैसा प्रतिलिटर कायम गरिएको छ ।
क्याटेगोरी : समाचार
ताजा अपडेट
- बागमती प्रदेशसभाको बैठक आज राति १२ बजेदेखि अन्त्य
- उपनिर्वाचनको मौन अवधि आज रातिदेखि
- त्रिविका कानुनी सल्लाहकार खनाललाई कारबाही नगर्न आदेश
- अन्तर्राष्ट्रिय वित्तीय संस्थाका प्रतिनिधिद्वारा अर्थमन्त्रीसँग भेट
- १७ वर्षपछि कर्तव्य ज्यान मुद्दाका फरार प्रतिवादी पक्राउ
- बोलेरोको ठक्करबाट तीन युवकको मृत्यु
- एक सय वर्षदेखिको इतिहास धार्मिक पर्यटनसँग जोडिँदै
- रङ्गशाला निर्माण सम्झौता भङ्ग गर्ने राखेपको निर्णयप्रति जनकपुरधाम उपमहानगरको विरोध
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया