नेपालमा सात सय ५८ जनाको कोरोना परीक्षण आइतबारसम्म कोरोना परीक्षण गर्ने थप यन्त्र ल्याइने
काठमाण्डौं,चैत १४
कोरोना उपचारमा संलग्न चिकित्सकहरुका लागि आवश्यक पर्ने पर्सनल प्रोटेक्टिभ इक्विपमेन्ट (पीपीई) र परीक्षण गर्ने थप यन्त्र सरकारले आइतबारसम्म चीनबाट ल्याउने भएको छ । त्यसको लागि सरकारले नेपाल वायुसेवा निगमको विमान चीन पठाउने तयारी गरेको छ । स्रोतका अनुसार चीनले सामान दिने निश्चित भएपछि विमान पठाउन लागिएको हो ।कोरोना परीक्षण गर्ने यन्त्र र चिकित्सकहरुले लगाउने पीपीईको अभाव भएपछि सरकारले परीक्षण गराउन चाहने व्यक्तिहरुको पनि कोरोना परीक्षण गर्न सकेको छैन । सरकारले चीन र भारतलाई आफूलाई चाहिने सामग्रीको लिष्ट नै दिइसकेको छ । चीनले तत्काल दिने भनेपछि सरकारले निगमकै विमान पठाएर सामान ल्याउन लागेको हो ।स्रोतका अनुसार सरकारले शनिबार निगमका विमान चीन पठाउनेछ । त्यसपछि शनिबार राति वा आइतबार दिउँसोसम्ममा उक्त विमानले चीनबाट सामग्री ल्याउने बताइएको छ । सामान चीनले दिने भए पनि ल्याउनका लागि भने नेपाल सरकार आफैंले खर्च गर्न लागेको हो । सामान ल्याएपछि सरकारले देशभरका तोकिएको अस्पतालमा परीक्षण गर्ने यन्त्र र डाक्टरले लगाउने सुरक्षा कपडा पठाउनेछ । अहिले विश्वमै यस्तो यन्त्र र कपडाको चरम अभाव छ ।
नेपालमा सरकारले लकडाउन (बन्दाबन्दी) गरेको कारण कोरोना भाइरस फैलिनबाट रोकिएको आशंका गरिएका छ । अब परीक्षणपछि मात्र कतिलाई लागेको छ त्यसको पुष्टि हुनेछ । यस्तै, सरकारले बिहीबारसम्म सात सय ५८ जनाको कोरोना भाइरस (कोभिड–१९)को परीक्षण गरेको छ । त्यसमध्ये तीन जनामा कोरोना भएको पुष्टि भएको छ भने एक जना उपचारपछि घर फर्किएका छन् । दुई जनाको भने टेकुस्थित शुक्रराज ट्रपिकल तथा सरुवा रोग अस्पतालमा उपचार भइरहेको छ । त्यसमा एक जना पुरुष र एक जना महिला छन् । ती विदेशबाट आएका हुन् । नेपालमै बसोबास गरिरहेका कसैलाई पनि कोरोना भएको पुष्टि भएको छैन । ती तीन जना वा अन्य विदेशबाट आएकाबाट अरुलाई कोरोना सरेको छ वा छैन भन्नेबारे परीक्षण भइरहेको जनाइएको छ । कोभिड–१९ को महामारी चीनको हुबेई प्रान्तबाट डिसेम्बर २०१९ बाट सुरु भएको थियो । यो रोग विश्वका एक सय ९६ राष्ट्रमा देखा परिसकेको स्वास्थ्य तथा जनसंख्या मन्त्रालयले जनाएको छ । मन्त्रालयका अनुसार शुक्रराज ट्रपिकल तथा सरुवा रोग अस्पतालमा चार जनाको आइसोलेसनमा राखेर निरीक्षण भइरहेको छ भने पाटन अस्पतालमा चार जना र कान्ति बाल अस्पतालमा नौ जनालाई आइसोलेसनमा राखिएको छ । इटालीमा ३७ जना डाक्टरको मृत्युइटालीमा कोरोना भाइरस लागेका व्यक्तिहरुको उपचारमा संलग्न ३७ जना डाक्टरहरुको मृत्यु भएको छ । समाचार एजेन्सीहरुका अनुसार कोरोनाको संक्रमितहरुको संख्या देशव्यापी रुपमा बढेसँगै इटलीको अवस्था भयावह भएको छ । इटालीमा बिहीबार साँझसम्म कोरोनाबाट सात हजार पाँच सय तीन जनाको मृत्यु भएको छ भने ७४ हजार तीन सय ८६ जनालाई कोरोना लागेको छ । बिहीबारसम्म नौ हजार व्यक्तिलाई निको भएको छ ।
क्याटेगोरी : समाचार
ताजा अपडेट
- कांग्रेस नेता अफताब आलमलाई जन्मकैदको सजाय
- मुख्यमन्त्री कँडेललाई विश्वासको मत
- आगलागीबाट ७९ घर जले, एकको मृत्यु
- उपनिर्वाचनमा सेना परिचालन गर्न स्वीकृति प्रदान
- डेभलपमेण्ट बैंकर्स एशोसिएसन नेपालको प्रमुख कार्यकारी अधिकृतमा डंगोल नियुक्त
- सिटिजन लाइफद्वारा जेन जेड लक्षित कार्यक्रम सञ्चालन
- सय दिनको रोजगारीको लागि १५ हजार बढीको आवेदन
- सूर्य नेपाल काठमाडौं ओपनको दोस्रो दिन दिनेश र भुवन शीर्षस्थानमा
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया