काठमाण्डौं,चैत २६
युुनियन लाइफ इन्स्योरेन्स कम्पनीका अध्यक्ष समेत रहेका शंकर ग्रुुपका सञ्चालक सुलभ अग्रवाल पक्राउ परेका छन् । महानगरीय प्रहरी अपराध महाशाखा टेकुुका अनुुसार कालोबजारी गरेको अभियोगमा अग्र्रवाललाई मंगलबार नक्सालबाट पक्राउ गरिएको हो ।
प्रहरीका अनुसार चर्को मूल्यमा ज्वरो मापन गर्ने थर्मल गन बिक्री गर्ने प्रयास गरेकोले उनलाई पक्राउ गरिएको हो । अग्रवालले सामान्य अवस्थामा पाँच हजार रुपैयाँ पर्ने थर्मल गनलाई विश्वव्यापीरुपमा फैलिएको कोरोना (कोभिड १९) को महामारीको मौका छोपेर १५ हजार रुपैयाँमा बिक्री गर्न खोजेका थिए ।
सोही अभियोगमा पक्राउ परेको अग्रवालबाट ६७ थान थर्मल गर्न बरामद गरिएको पनि प्रहरीले जानकारी दिएको छ । किर्गिस्तानका अवैतनिक महावाणिज्य दूत समेत रहेका अग्रवालले कूटनीतिक नियोगको गाडी समेत दुुरुपयोग गर्दै कालोबजारी गर्ने गरेको प्रहरीले बताएको छ ।
उनको साथबाट २०९८ सीसी वान नम्बरको गाडी समेत बरामद भएको छ । प्रहरीका अनुसार शंकर ग्रुुपले गत शनिबार मात्र छिमेकी राष्ट्र चीनको ग्वान्झाओबाट सात
टन मेडिकल सामग्री ल्याएको थियो ।
