बाल गृहलाई हिमालय एयरलाइन्सको सहयोग

काठमाडौं । हिमालय एयरलाइन्सले लवप्रसाद बालगृहलाई आर्थिक सहयोग गरेको छ । संस्थागत उत्तरदायित्वअन्तर्गत ‘शिक्षातर्फ पाइला’ अभियानअन्तर्गत कम्पनीले सो सहयोग गरेको हो । अनाथ तथा विपत्र बालबालिकाको लागि लवप्रसाद सुधार संघद्वारा सञ्चालित संस्था लवप्रसाद बाल गृहको भान्सा र भोजन कक्ष मर्मतसम्भारका लागि करिब चार लाख रुपैयाँ सहयोग गरेको कम्पनीले जनाएको छ ।

बाल गृहको परिसरमा आयोजित सहयोग हस्तान्तरण कार्यक्रममा एअरलाइन्सका अध्यक्ष श्री झो इन्योङले बालगृहका अध्यक्ष उषा कार्कीलाई तीन लाख ९६ हजार रुपैयाँ बराबरको चेक हस्तान्तरण गरेका थिए । साथै, बालगृहमा आश्रित बालबालिकाका लागि भान्सामा प्रयोग हुने सामग्री सेट र स्केच बुकका साथै क्रिकेटको सेट, क्यारमबोर्ड, ब्याडमिन्टन सेट, बास्केट बल, लुँडो, स्किपिङ रोप, हुला हुपजस्ता विभित्र खेलकुदका सामग्री पनि सहयोग गरेको कम्पनीले जनाएको छ । सुन्दरीजलमा अवस्थित यस संस्थाले हाल १३ जना बालबालिकालाई आश्रय, शिक्षा, हेरचाह र पालनपोषणको व्यवस्था गरिरहेको छ ।