सिग्नेचर ब्राण्डको नयाँ प्याकेजिङ हिृवस्की

काठमाडौं । सिग्नेचर ब्राण्डका दुई ह्विस्की सिग्नेचर प्रिमियर र सिग्नेचर रेयर नयाँ प्याकेजिङ र बोटलिङका साथ नेपाली बजारमा उपलब्ध भएका छन् । सिग्नेचर कम्पनीका अन्य पेय पदार्थहरू नेपाल लिकर्सको मातहतमा नेपाली बजारमा बिक्री हुँदै आएका छन् । सिग्नेचर पेयलाई नेपाली बजारमा उपलब्ध गराउने नेपाल लिकर्सले यसपल्ट भने नयाँ प्याकेजिङ, बोटलिङ र स्वादका साथ दुई ह्विस्कीलाई बजारमा भित्र्याइएको हो ।

नेपाल लिकर्सले आफ्नो स्वामित्वमा विभिन्न पेयहरू नेपाली बजारमा उपलब्ध गराउँदै आएको कम्पनीले जनाएको छ । जसमध्ये एन्टिक्युटी ब्लु ह्विस्की, सिग्नेचर प्रिमियर ह्विस्की, सिग्नेचर रेयर ह्विस्की, रोयल च्यालेन्ज ह्विस्की, स्मिरनफ भोड्का, ब्लुरिब्यान्ड जिन र मिस्टर डोबेल नम्बर एक लक्जरी ह्विस्की आदि पर्छन्  । केही समयअघि नेपाल लिकर्सले बजारमा ल्याएको स्मिरनफ भोड्का पनि नेपाली बजारमा उत्तिकै लोकप्रिय बन्दै गएको कम्पनीको दाबी छ ।

कम्पनीले यसपटक पनि संसारकै परिचित ब्राण्ड सिग्नेचरका दुई उत्पादनलाई नयाँ प्याकेजिङका साथ नेपाली बजारमा भित्र्याएको जानकारी दिएको छ । हालसालै नयाँ प्याकेजिङ, बोटलिङ र स्वादमा भित्रिएका दुई पेय, सिग्नेचर प्रिमियर ह्विस्की र सिग्नेचर रेयर ह्विस्की, बजारमा एक लिटर, ७५०, ३७५ र १८० एमएलका प्याकहरूमा उपलब्ध रहेको कम्पनीले जनाएको छ ।