सामसङ नेपालद्वारा रिटेलर मिटको आयोजना

काठमाडौं । सामसङ नेपालले काठमाडौंमा रिटेलर मिट कार्यक्रमको आयोजना गरेको छ । नेपालमा ग्यालेक्सी जेड फ्लिप ५ र जेड फोल्ड ५ को अनावरण गरेपछि कम्पनीले सो रिटेलर मिट आयोजना गरेको हो । रिटेलर मिटमा नयाँ फोल्डयोग्य उपकरणहरूका साथमा कारोबार गर्ने ९० जनाभन्दा बढी व्यापारी साझेदारको उपस्थिति रहेको थियो । उक्त कार्यक्रमको दौरान हालै बिक्री शुभारम्भ गरिएका नयाँ मोडलहरू ग्यालेक्सी जेड फोल्ड ५ र ग्यालेक्सी जेड फ्लिप ५ का विशेषताहरू जस्तै पकेटेबिलिटी, कभर स्क्रिन, फ्लेक्स मोड, वाइड स्क्रिन, इमर्सिभ भिउइङ, सेल्फी र आईपिएक्स ८ को खुबीको बारेमा छलफल गरिएको थियो । कम्पनीको दुवै ग्यालेक्सी जेड फ्लिप ५ र ग्यालेक्सी जेड फोल्ड ५ लाई धेरै टिकाउपनाको अपेक्षा पूर्ति गर्ने गरी सावधानीपूर्वक निर्माण गरिएको कम्पनीले जनाएको छ ।

कम्पनीले ग्यालेक्सी जेड फ्लिप ५ तीन प्रकारका रङ्गहरू मिन्ट, लाभेण्डर र कालोमा (८ प्लस २५६ जिबि) मा एक लाख ३९ हजार नौ सय ९९ रुपैयाँमा नेपालमा उपलब्ध गराएको छ । यस्तै, ग्यालेक्सी जेड फोल्ड ५ कालो र हल्का नीलो दुई प्रकारका रङ्गहरूमा १२ जीबी मेमोरीसहितका २५६ जीबी र ५१२ जीबी भण्डारण क्षमता भएका दुई प्रकारमा उपलब्ध छन् । ग्यालेक्सी जेड फोल्ड ५ (१२ प्लस२५६ जिबि) को मूल्य दुई हजार २६ हजार नौ सय ९९ रुपैयाँ र ग्यालेक्सी जेड फोल्ड ५ (१२प्लस५१२ जिबि) को मूल्य दुई लाख ३९ हजार नौ सय ९९ रुपैयाँ कायम गरिएको छ ।