पञ्चकन्या ग्रुपद्वारा रक्तदान

काठमाडौं । पञ्चकन्या ग्रुपले रक्तदान कार्यक्रमको आयोजना गरेको छ । आफ्नो ५१औँ वार्षिकोत्सव मनाउने क्रममा कम्पनीले सोमबार ललितपुरमा नेपाल रेडक्रस सोसाइटी, ललितपुर रक्तसञ्चार केन्द्र, पुल्चोकको सहयोगमा रक्तदान कार्यक्रमको आयोजना गरेको हो ।

उक्त रक्तदानमा ३३ जनाले रक्तदान गरेका थिए । पञ्चकन्या ग्रुपले आफ्नो सामाजिक उत्तरदायित्वअन्तर्गत वार्षिकरूपमा निरन्तर रक्तदान कार्यक्रम गरी सो कार्यक्रमलाई मुख्य प्राथमिकतामा राख्दै आएको जनाएको छ । कार्यक्रमा ग्रुपका सञ्चालकहरू, केन्द्रीय कार्यालय तथा ग्रुपअन्तर्गतका सिस्टर्स कर्न्सन उद्योगमा कार्यरत कर्मचारी र ग्रुपसँग आबद्ध शुभचिन्तकहरू सहभागी थिए ।