शाओमीको ‘स्योर–सट सेप्टेम्बर मेला’

काठमाडौँ । शाओमीले ‘स्योर–सट सेप्टेम्बर मेला’ सञ्चालनमा ल्याएको छ । यस अफरअन्तर्गत कम्पनीले तोकेको रेडमी स्मार्टफोनको प्रत्येक खरिदमा रेडमी इयरफोन निःशुल्क पाइने छ ।

शाओमी नेपालका कन्ट्री जनरल म्यानेजर मनु मनस्वीले ग्राहकले यही सेप्टेम्बरमा शाओमीको ‘स्योर–सट सेप्टेम्बर मेला’ मार्फत प्राविधिक आनन्दको अनुभव गर्ने बताए । यो अफरअन्तर्गत रेडमी ए २ र ए २ प्लसको हरेक खरिदमा ग्राहकले रेडमी इयरफोन निःशुल्क पाउने बताइएको छ ।

त्यसैगरी हरेक रेड्मी १२ सि को खरिद गर्ने ग्राहकहरूले निःशुल्क रेडमी सोनिकबेस ब्लुटुथ इयरफोन प्राप्त गर्ने बताइएको छ । दुवै अफरहरू सेप्टेम्बर १ बाट सुरु भई सेप्टेम्बर १५ सम्म सञ्चालन हुने कम्पनीले जनाएको छ । यो अफर रेडमीका नेपालभरका रिटेल आउटलेटहरूमा उपलब्ध छ ।