सिप्रदीको ‘रिटेलर्स मिट र टाटा गुरु सम्मान’

काठमाडौं । सिप्रदी अटो पार्ट्स प्राइभेट लिमिटेडले काठमाडौं उपत्यकाभित्रका रिटेलर्स मिट र टाटा गुरु सम्मान कार्यक्रम आयोजना गरेको छ ।

सिप्रदी कम्पनीका प्रमुख कार्यकारी अधिकृत राजनबाबु श्रेष्ठ र टाटा मोटर्सका इन्टरनेसनल बिजनेस हेड राकेश मित्तलको विशेष उपस्थितिमा सो कार्यक्रम आयोजना गरिएको कम्पनीका वरिष्ठ महाप्रबन्धक युवराज बुढाथोकीले जानकारी दिए । कार्यक्रममा सिप्रदीका सीईओ राजनबाबु श्रेष्ठले कम्पनीले प्राविधिकलाई आधुनिक प्रविधिको तालिम उपलब्ध गराइरहेको जानकारी दिए ।

यस्तै, उनले खुद्रा विक्रेताको वित्तीय व्यवस्थापनका लागि सिप्रदीले नबिल बैंकसँग सम्झौता गरेको जानकारी दिए । साथै, उनले हालसालै तीन दिन तालिम लिएका २५ जना प्राविधिकलाई प्रमाणपत्र वितरण गरेका थिए । कार्यक्रममा रिटेलर्स र टाटा गुरुहरूलाई विभिन्न उपहारहरू प्रदान गरिएको थियो । यस्तै, टाटा बफादारी कार्यक्रमअन्तर्गत टाटा गुरु दिपक महर्जनले डियो स्कुटर उपहार प्राप्त गरेका थिए भने आईफोन १४ प्रो दुई जनाले, एलईडी टेलिभिजन दुई जनाले र अन्य धेरैले उपहार प्राप्त गरेका थिए ।