मंगलम् इन्डस्ट्रिज र लायन्स भैरहवा लिगेसीद्वारा वृक्षारोपण

काठमाडौँ । मंगलम् इन्डस्ट्रिज लिमिटेड (मंगलम् पाइप) र लायन्स क्लब अफ भैरहवा लिगेसीको संयुक्त आयोजनामा भैरहवामा वृक्षारोपण र टंकी वितरण कार्यक्रम गरिएको छ । इन्डस्ट्रिज र क्लबले रुपन्देहीको सिद्धार्थनगर नगरपालिका–४ स्थित श्री नवदुर्गा माध्यमिक विद्यालयमा वृक्षारोपण गरेका हुन् । यस्तै, कार्यक्रममा विद्यालयलाई पानी ट्याङ्की पनि हस्तान्तरण गरिएको थियो ।

कार्यक्रममा मंगलम् इन्डस्ट्रिजका निर्देशक सुदर्शन चुडीवाल, कार्यकारी निर्देशक अभिनव चुडीवाल, महाप्रबन्धक प्रदीप शुक्ला र लायन्स भैरहवा लिगेसीका अध्यक्ष रविकान्त उपाध्याय, विद्यालय व्यवस्थापन समितिका अध्यक्ष गोविन्द यादवलगायतले विद्यालयमा वृक्षारोपण गरेका थिए ।