दराजको ‘दराज क्यान्डी’ नयाँ अफर

काठमाडौं । अब दराज एपका प्रयोगकर्ताहरूले अनलाइन किलमेलसँगै खेल पनि खेल्न पाउने भएका छन् । दराज नेपालले मनोरञ्जन प्रदान गर्दै प्रयोगकर्ताहरूलाई एपमा थप संलग्न गराउने उद्देश्यले मंगलबार ‘दराज क्यान्डी’ नामक अनलाइन खेल सार्वजनिक गरेको छ ।

दराज एपका प्रयोगकर्ताहरूले सजिलै यो खेल खेल्न सक्छन् । यो खेलमा प्रयोगकर्ताहरूले तीन वा त्योभन्दा धेरै एकै रंगका क्यान्डीहरूलाई एकै ठाउँमा मिलाउनुपर्छ । यसरी मिलाएपछि मिलेका क्यान्डीहरू हराउँछन् र माथिका बाँकी क्यान्डीहरू खाली ठाउँमा झर्छन् । यो खेलबाट प्रयोगकर्ताले जेम प्राप्त गर्न सक्छन्, जुन उनीहरूको खेलको आधारमा हरेक दिन उनीहरूलाई प्रदान गरिने कम्पनीले जनाएको छ । दराज लोयल्टी क्लबका सदस्यहरूले यो जेम्को प्रयोग गरी दराजका सामानहरूमा विशेष छुट प्राप्त गर्न सक्ने दराजले जनाएको छ ।