जेसीबीको रिटेलर हेटौंडामा

काठमाडौं । एमएडब्लु ग्रुप अन्तर्गतको एमएडब्लु पार्ट्स डिस्ट्रिब्युटर्स प्रा. लि.ले आफ्नो एक्सक्लुसिभ रिटेलर ऋतु ट्रेडर्स, हेटौंडा, थाना भ-याङमा सञ्चालनमा ल्याएको छ ।

सो रिटेलरको हेटौंडा उपमहानगरपालिकाका उप–मेयर राजेश बाँनिया, हेटौंडा चेम्बर अफ कमर्सका उपाध्यक्ष प्रमोद सिंह रानाभाट, हेटौंडा अटोमोबाइल्स संघका अध्यक्ष दामोदर प्रसाद अटल, ऋतु ट्रेडर्सका प्रोप्राइटर सागर सापकोटा र एमएडब्लु पार्ट्स डिस्ट्रिब्युटर्सका प्रतिनिधिले संयुक्त रूपमा उद्घाटन गरेका थिए । यसको सुरुवातसँगै अब हेटौंडाका ग्राहकहरूले ऋतु ट्रेडर्समार्फत् सजिलै जेसीबीका सक्कली पार्ट्सहरु खरिद गर्न पाउने बताइएको छ ।

जेसीबी मेसिनहरूलाई बिगार्ने, काम चलाउ नक्कली पार्टसको बिक्री र प्रयोगलाई निरुत्साहित गर्ने उद्देश्य लिएर ‘जेसीबी लाई जेसीबी मात्र’ भन्ने नाराका साथ कम्पनीले यो शाखाको सुरु गरेको जनाएको छ । एमएडब्लु पार्ट्स डिस्ट्रिब्युटर्स नेपालका लागि जेसीबीका जेन्युन स्पेयर पार्टस, टायर्स र लुब्रिकेन्ट्सको आधिकारिक विक्रेता हो । कम्पनीले नक्कली पार्टपुर्जाहरूको प्रयोग र जोखिमबाट जोगाउन जेसीबीका सक्कली पार्ट्सहरू आफ्ना एक्सक्लुसिभ तथा नन् एक्सक्लुसिभ रिटेलरहरूमार्फत् देशभर बिक्री वितरण गर्दै आएको छ ।