भायानेटको ‘रेफर ४ फ्रेन्ड्स एन्ड विन बिग’ अफर

काठमाडौं । भायानेट कम्युनिकेसनले आफ्नो नयाँ रोमाञ्चक अफर ‘रेफर ४ फ्रेण्ड्स एन्ड विन बिग’को घोषणा गरेको छ । यसअन्तर्गत चारजना साथी वा परिवारका सदस्यलाई रेफर गर्ने ग्राहकले चार महिनाको निःशुल्क इन्टरनेटका साथै अल्टिमा इयरबडहरू पनि निःशुल्क प्राप्त गर्न सक्ने बताइएको छ ।

कम्पनीका अनुसार यो अफर भायानेटको पहिले नै लोकप्रिय भइसकेको चाडपर्व अफर ‘चाडमा चौका’ अभियानको विस्तारको रूपमा आएको हो । ‘चाडमा चौका’ अफरअन्तर्गत भायानेटले नयाँ किफायती इन्टरनेट प्याकेजहरू प्रतिमहिना भ्याटबाहेक सात सय रुपैयाँ र ग्राहकलाई अल्टिमा वायरलेस इयरबडहरू तथा हिमस्टार होम एप्लिएन्सहरूमा ५० प्रतिशत छुट प्रदान गर्नेछ । कात्तिक १६ गतेबाट सुरू भएको यो योजना मङ्सिर ९ मा अन्त्य हुने बताइएको छ । यो नयाँ अफरमा सहभागीहरूले निःशुल्क अल्टिमा एटम १९२ वायरलेस इयरबड्स, आफ्नो लागि चार महिनाको निःशुल्क इन्टरनेट र रेफर गरिएकाको लागि एक महिनाको निःशुल्क इन्टरनेट पाउनेछन् ।

भायानेट कम्युनिकेसनकी सीईओ सेवा पाठकले यस अफरले ग्राहकहरूलाई उच्च गतिको इन्टरनेट प्राप्त गर्न, निःशुल्क वायरलेस इयरबडको आनन्द लिन र आफ्ना प्रियजनसँग भायानेटको विशिष्ट अनुभव बाँड्न सघाउने बताए ।