युनिलिभर नेपालको भूकम्प प्रभावित क्षेत्रमा सहयोग

काठमाडौं । युनिलिभर नेपाल लिमिटेडले हालै जाजरकोट र रुकुम जिल्लामा गएको भूकम्पबाट प्रभावित समुदायलाई राहत सहयोग गरेको छ । कम्पनीले भूकम्प प्रभावित जिल्लामा पाल, कम्बल, औषधि, ड्राइफुड, हर्लिक्स, सुपलगायतका तत्काल राहत सामग्री सहयोग गरेको जनाएको छ ।

विगतका अन्य प्राकृतिक प्रकोपहरूमा जस्तैगरी, लचिलो भावनाका साथ कम्पनीले पीडित परिवार र राष्ट्रसँग ऐक्यबद्धता प्रकट गर्दै सरकारको भूकम्प प्रभावित क्षेत्रमा पुनर्निर्माण र पुनस्र्थापना कार्यलाई साथ दिनका लागि ‘प्रधानमन्त्री दैवी प्रकोप उद्धार कोष’ मा एक करोड रुपैयाँ सहयोग गरेको जानकारी दिएको छ । उक्त रकमको चेक कम्पनीका सञ्चालक तथा वरिष्ठ अधिकारीहरूको प्रतिनिधिमण्डलले प्रधानमन्त्री पुष्पकमल दाहाललाई हस्तान्तरण गरेका थिए ।