ग्रिल व्यवसायीलाई व्यवसायजन्य सुरक्षा तालिम

काठमाडौं । ग्रिल तथा स्टिल व्यवसायी संघ कमलपोखरी इकाई समितिले स्वास्थ्य कार्यालय काठमाडौंसँगको संयुक्त सहकार्यमा व्यवसायजन्य सुरक्षा तथा स्वास्थ्यसम्बन्धी अभिमुखीकरण तालिम सञ्चालन गरेको छ ।

ग्रिल व्यवसायमा पछिल्लो समय व्यवसायजन्य सुरक्षा तथा स्वास्थ्यसम्बन्धी पर्याप्त जानकारी नहुँदा अकालमा ज्यान गुमाउने, अङ्गभङ्ग हुने खालको दुर्घटनाहरू बढेको नेपाल घरेलु तथा साना उद्योेग महासंघका उपाध्यक्ष मोहन कटुवालले बताए । ग्रिल व्यवसाय अन्य व्यवसायभन्दा बढी जोखिम भएकाले व्यवसायजन्य सुरक्षा तथा स्वास्थ्यसम्बन्धी तालिमले दुर्घटना न्यूनीकरण गर्न व्यवसायलाई व्यवस्थित गरी वातावरणमैत्री उद्योेग सञ्चालन गर्न मद्धत पुग्ने उनले बताए । कार्यक्रममा स्वास्थ्य कार्यालय काठमाडौंका प्रमुख अर्जुन सापकोटाले ग्रिल व्यवसायलाई व्यवस्थित गरी उत्पादकत्व बढाउन र जोखिम घटाउन यस तालिमले सहयोग पुग्ने बताए । महासंघका उपाध्यक्ष समसुद्दीन शेखले वातावरणमैत्री उद्योग सञ्चालन गर्न यो तालिमले सहयोग पुग्ने बताए ।