युनिलिभर नेपालद्वारा विद्युतीय बाँयलर सञ्चालन

काठमाडौं । हेटौंडामा रहेको युनिलिभर नेपालको कारखानाले हालसालै युनिलिभर दक्षिण एसियामा पहिलो प्रकारको विद्युतीय बाँयलर सञ्चालन गरेको छ । कम्पनीका अनुसार यो विद्युतीय हिटरबाट स्टिम उत्पादन गर्ने अनाँैठो प्रविधि हो, यसले साइटलाई तताउने प्रक्रियाका लागि जीवाष्म इन्धनबाट बाहिर सार्ने गर्छ ।

कारखानामा हाल ९० प्रतिशत ऊर्जा खपत हुने गरेको छ । सोमध्ये २० प्रतिशत आन्तरिक सौर्य बिजुली उत्पादन प्लान्ट र बाँकी ७० प्रतिशत ग्रिडबाट हुन्छ । पछिल्लो एक वर्षमा युनिलिभर नेपालको फ्याक्ट्रीले छ करोड रुपैयाँको लगानीमा ऊर्जा पदचिह्न कम गर्न र कार्बन डाइअक्साइड उत्सर्जन कम गर्न धेरै नयाँ प्रविधिहरू स्थापना गरेको छ । यो बाँयलर परियोजना नेटजिरो तिर एक कदम हो । साइटले निकट भविष्यमा डिजेल जेनेरेटर चलाउन बायोडिजेलमा सार्ने योजना बनाएको कम्पनीले जनाएको छ । यसले साइटलाई शतप्रतिशत हरित ऊर्जाको साथ सञ्चालन गर्न सहयोग गर्नेछ । युनिलिभर नेपाल लिमिटेडका प्रबन्ध निर्देशक तथा सीईओ अमलन मुखर्जीले नेपालमा कम्पनीको सञ्चालनलाई नेट जिरोतर्फ लैजान प्रतिबद्ध रहेको बताए । सोही अनुरूप अत्याधुनिक कारखानामा विद्युतीय बाँयलरको स्थापना गरिएको उनको भनाइ थियो ।