होन्डाको एनएक्स २०० नेपाली बजारमा

काठमाडौं । होन्डाले आफ्नो नयाँ बाइक एनएक्स२०० नेपाली बजारमा भित्र्याएको छ । एनएक्स२०० बाइकलाई सिटी राइडिङ र लामो दूरीको यात्रा दुवैका लागि उपयुक्त भनिएको छ । यसको ‘अप–राइट पोजिसन’ र टायरको ‘टफ ट्रेड प्याट्रन’ले आरामदायी यात्रा गर्न सहज बनाउने कम्पनीको दाबी छ ।

एनएक्स२०० मा उपलब्ध ‘वाइन्ड भाइजर’ र ‘एलईडी विङ्कर’सहितको ‘नकल कभर’ले सुरक्षा फिचरलाई बढाउनुको साथै बाइकलाई झनै आकर्षक बनाएको छ । ‘लिक्युइड क्लियर’ डिजिटल मिटर र चालकलाई पायक पर्नेगरी चाबी हाल्ने ठाउँ ट्याङ्कीमै हुनु पनि एनएक्स२०० को थप विशेषता हो । एनएक्स२०० मा रहेको ‘फ्रन्ट ए बी एस सिस्टम’ र ‘डुअल पेटल डिस्क ब्रेक’ले यात्रालाई झनै सहज बनाउनेछ । १० वर्षसम्मको वारेन्टी प्याकेजमा हाललाई विभिन्न चार रङ्गहरूमा उपलब्ध एनएक्स२०० उपलब्ध गराइएको कम्पनीले जनाएको छ ।

कम्पनीले एनएक्स२०० को सुरुवाती बिक्री मूल्य चार लाख ७९ हजार नौ सय रुपैयाँ कायम गरेको छ । होन्डाका सम्पूर्ण आधिकारिक विक्रेता र होन्डाको आधिकारिक वेभपेजमा गइ एनएक्स२०० को खरिद तथा बुकिङ गर्न सकिनेछ ।