काठमाडौं । पोखरा चेम्बर अफ कमर्स कास्कीका सदस्य र सदस्यका परिवारले मणिपाल शिक्षण अस्पतालमा उपचार गर्दा छुट पाउने भएका छन् । चेम्बर र अस्पतालबीच मंगलबार सम्झौता भएसँगै चेम्बरका सदस्य तथा परिवारले छुट पाउने भएका हुन् । सम्झौताअनुसार टिकट र चिकित्सकको परामर्श निःशुल्क हुनेछ भने सामान्य बेडमा २५ प्रतिशत छुट पाइनेछ । यसैगरी नियमित जाँचमा १५, न्युरोसर्जरी तथा अतिविशिष्ट सेवाबाहेक शल्यक्रियामा १० र विशेष अनुसन्धानमा १० प्रतिशत छुट प्राप्त हुनेछ । सम्झौतापत्रमा चेम्बरका तर्फबाट अध्यक्ष उमराज बास्तोला र अस्पतालकातर्फबाट प्रमुख कार्यकारी अधिकृत अनिल ओडूबिलले हस्ताक्षर गरेका छन् । उपचारमा छुट पाउनका लागि चेम्बरको नामावली, परिचयपत्र र निवेदन अनिवार्य हुनुपर्ने सम्झौतापत्रमा उल्लेख छ ।
सम्झौता गर्दा चेम्बरका तर्फबाट उपाध्यक्ष नवराज आचार्य, महासचिव गोकर्ण अधिकारी, सचिव एवं सूचना विभाग प्रमुख सीमा कोइराला, सचिव सरिता सुवेदी, सहकोषाध्यक्ष बोधराज सुवेदीका साथै अस्पतालका तर्फबाट कृष्णमोहन श्रेष्ठलगायत सहभागी थिए । पोखरा चेम्बर अफ कमर्स कास्कीले यसअघि पोखरास्थित फिस्टेल ड्रिम पार्कसँग पनि छुटसम्बन्धी सम्झौता गरेको हो ।
क्याटेगोरी : कर्पोरेट-वाणिज्य-उद्योग
ट्याग : #page 3
ताजा अपडेट
- पलेसालाई गण्डकी सरकार र पोखरा महानगरको सम्मान
- मितेरी बचत तथा ऋण सहकारी संस्थाको रकम अपचलनमा सिआइबीको अनुसन्धान सुरु
- बजार परिसुचक २६ सय ३७ बिन्दुमा
- उद्योगको विरोधबीच अमेरिकाले चिनियाँ वस्तुमा बढायो कर
- जापानमा गर्मी
- बंगलादेशमा नियमित विद्युत् आपूर्तिमा समस्या
- पाकिस्तानलाई एडीबीको ऋण सहयोग
- रूस र युक्रेनबीच २०६ युद्धबन्दी आदानप्रदान
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- चिया पसल पनि कम्पनी ?
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया