‘यामाहा एफजेड हिमालय रोडिज सिजन–३’ सुरु

काठमाडौं, पुस ७
‘यामाहा एफजेड प्रस्तुत हिमालय रोडिज सिजन–३’ सुरु भएको छ । गत मंसिर ३० गतेदेखि हरेक सोमबार राति ८ बजे हिमालय टिभी एचडीमा हिमालय रोडिज प्रसारण हुँदै आएको छ । भारतीय फ्रेन्चाइज शो एमटिभी रोडिजको नेपाली संस्करण हिमालय रोडिज नेपाली युवाहरुमाझ अत्यन्त लोकप्रिय रहेको र उनीहरुले प्रतीक्षा गरेको टिभी शो हो । भोट, भित्रिने र बाहिरिने, खेल बदलिदिने मोड, सहभागीहरुबीचको घम्साघम्सी, साहसिक, उत्तेजना आदिका कारण शो रोमाञ्चक हुने गर्छ ।

यो सम्पूर्ण नयाँ सिजनको सञ्चालन रेमण्ड दास श्रेष्ठले गरेका छन् । साथै उनको साथमा सम्झौता नगर्ने र कठोरताले भरिएको ग्याङ लिडर दीया मास्के, आशिष राना उर्फ लाहुरे जोडिनेछन् भनें नयाँ ग्याङ लिडरहरु अनूप विक्रम शाही र सिजन १ का विजेता समन श्रेष्ठले पनि यो सिजनमा उपस्थिति जनाउने भएका छन् । सिजन २ मा रोडिज उपाधि यामाहा एफ जेड सिरिज सवार गरेर हासिल गरेको थियो । यो सिजन ३ मा पनि निरन्तर रहनेछ । यामाहा एफ जेड सिरिजले रोडिजहरुलाई रोमाञ्चक कार्यमा सहयोग पु-याउनेछ जसलाई उनीहरुले पार गर्नेछन् । यामाहा एफ जेड, शोले आफ्नो सहभागीहरु प्रति देखाउने कठोरतासँग दुरुस्तै मेल खाने परिपूर्र्ण सहयोगी हो ।