एनआरएनएले दुई जना नेपाली विद्यार्थीलाई ६ वर्षे एमबीबीएसमा पूर्ण छात्रवृत्ति दिने

काठमाडौं । गैरआवासीय नेपाली संघ (एनआरएन)ले दुई जना नेपाली विद्यार्थीहरूका लागि ६ वर्षे एमबीबीएस पाठ्यक्रममा पूर्ण छात्रवृत्ति प्रदान गर्ने भएको छ ।

संघले एसिया इन्टरनेशनल युनिभर्सिटी, उज्बेकिस्तानको संयुक्त सहकार्यमा उक्त छात्रवृत्ति पैदान गर्न लागेको हो । विशेषगरी जेहेन्दार तथा कमजोर आर्थिक अवस्था भएका र नेपालमा चिकित्सा शिक्षा आयोग परीक्षा उत्तीर्ण गरेका विद्यार्थीलाई लक्षित गरी छात्रवृत्ति आवेदन प्रक्रिया सुरु गर्न लागिएको संघले जनाएको छ । आवेदन २३ डिसेम्बर २०२५ सम्म दिन सकिनेछ । परीक्षा चिकित्सा शिक्षा आयोग आधारित प्रश्नमार्फत ३ जनवरी २०२६मा पुल्चोक इन्जिनियर क्याम्पस ललितपुरमा सञ्चालन गरिनेछ । छात्रवृत्ति प्राप्त दुई जना नेपाली विद्यार्थीले अध्ययन पूरा गरेपछि नेपाल फर्की न्यूनतम दुई वर्षसम्म स्वास्थ्य क्षेत्रमा अनिवार्य सेवा प्रदान गर्नु पर्नेछ । छात्रवृत्ति प्राप्त विद्यार्थीको सम्पूर्ण खर्च (खाना, बसाइँ ) विश्वविद्यालयले बेहोर्ने जनाइएको छ । यस पहलले नेपालमा स्वास्थ्य सेवा पहुँच विस्तार गर्न तथा स्वास्थ्यकर्मीको कमी सम्बोधन गर्न महत्वपूर्ण योगदान गर्ने अपेक्षा गरिएको छ । स्वास्थ्य सेवा क्षेत्रमा पर्याप्त जनशक्तिको कमीका कारण बिरामीले समयमै उपचार नपाएर जीवन गुमाउने जोखिम उच्च बन्दै गएको छ । देशभरका प्राथमिक स्वास्थ्य केन्द्रहरूमा औषधि, उपकरण तथा दक्ष स्वास्थ्यकर्मीको कमीले स्वास्थ्य सेवा प्रभावकारी रूपमा उपलब्ध गराउन कठिनाइ भएको हो ।

तपाईको प्रतिक्रिया

Login

Label

Name*

Email*

Label

Name*

Email*

0 Comments

Oldest

Newest Most Voted

Inline Feedbacks

View all comments