Techie IT
×
गृहपृष्ठकर्पोरेटसलमानको जन्मदिनमा नेपालको बिइङ ह्युमनको विशेष अफर

सलमानको जन्मदिनमा नेपालको बिइङ ह्युमनको विशेष अफर


काठमाडौं, पुस ९
बलिउड सुपरस्टार सलमान खानको जन्मदिनलाई लक्षित गरेर बिइङ ह्युमन क्लोथिङ नेपालले नयाँ स्किम सार्वजनिक गरेको छ । सलमानद्वारा सञ्चालित बिइङ ह्युमन फाउण्डेसन मातहत सञ्चालित बिइङ ह्युमन क्लोथिङले स्किम सार्वजनिक गरेको हो । स्किमअन्तर्गत बिइङ ह्युमन ब्राण्डको १५ हजार बराबरको कपडा खरिद गर्नेले सलमानको जन्मदिनको अवसरमा अर्थात् आगामी शुक्रबार सलमानको फिल्म दबगं–३ को एउटा टिकट र ‘बिइङ दबंग’ लेखिएको टि–सर्ट उपहार पाउनेछन् ।

बिइङ ह्युमनका सञ्चालक सुदिपचन्द्र बख्रेलका अनुसार शुक्रबारको लागि एउटा सिनेमा हल नै बुक भइसकेको छ । त्यस दिन सलमानको जन्मदिनको अवसरमा सामूहिक रुपमा ‘वर्थ डे केक’ काटेर स्किमअन्तर्गतका ग्राहकलाई सिनेमा हेर्न लगिने उनले जानकारी दिए । त्यस दिन १ सयभन्दा बढी अग्रिम बुकिङ भइसकेको इ–साइकल समेत सार्वजनिक हुनेछ । बिइङ ह्युमन फाउण्डेसनले बिइङ ह्युमन ब्राण्डका सामग्रीहरु बिक्री गरेबापत हुने आम्दानीको एउटा निश्चित हिस्सा परोपकार तथा सामाजिक उत्तरदायित्वका लागि छुट्याउँदै आएको छ ।


क्याटेगोरी : कर्पोरेट

तपाईको प्रतिक्रिया