सवारी कारबाहीबाट गत मंसिर महिनामा करिब दुई लाख राजस्व संकलन
महेन्द्र शाही
सोलुखुम्बु, पुस ११
जिल्ला ट्राफिक प्रहरी कार्यालय सोलुखुम्बुले मंसिर महिनामा सवारी कारबाहीबाट भण्डै दुई लाख राजस्व संकलन गरेको छ । प्रहरीले दिएको जानकारीअनुसार दुई सय ७५ वटा सवारी साधनलाई कारबाही गरी एक लाख ९२ हजार पाँच सय राजस्व संकलन भएको हो । एक महिनाको अवधिमा कारबाहीमा पर्ने सवारी साधनहरूमा सबैभन्दा बढी एक सय ११ वटा जिप रहेको र सोबापत ७५ हजार पाँच सय राजस्व संकलन भएको ट्राफिक प्रहरी इन्चार्ज सञ्जिव चौधारीले बताए ।
त्यस्तै ७६ वटा मोटरसाइकल कारबाहीबाट ५७ हजार पाँच सय, ४५ वटा ट्रकबाट ३० हजार पाँच सय रूपैयाँ राजस्व संकलन भएको छ । त्यस्तै १९ वटा आटो कारबाहीबाट १४ हजार, १७ वटा ट्याक्टरबाट ११ हजार र सातवटा बसबाट चार हजार राजस्व संकलन भएको ट्राफिक प्रहरीको भनाइ छ । मंसिर महिनामा कात्तिक महिनाको तुलनामा २० हजार पाँच सय बढी राजस्व र ११ वटा बढी सवारी साधन कारबाहीमा परेको ट्राफिक प्रहरीको भनाइ छ ।
कात्तिक महिनामा दुई सय ६४ सवारी कारबाहीबाट एक लाख ७२ हजार राजस्व संकलन भएको चौधरीको भनाइ छ । कारबाहीमा पर्ने सवारी साधनहरूमा सवारी चालक अनुमतिपत्र नभएका, क्षमताभन्दा बढी यात्रु बोक्ने, सवारी पोसाक नलगाउने तथा प्रयोजनविपरीत सञ्चालित सवारीसाधनहरू रहेको ट्राफिक प्रहरीको भनाइ छ ।
क्याटेगोरी : कर्पोरेट-वाणिज्य-उद्योग
ताजा अपडेट
- कांग्रेस नेता अफताब आलमलाई जन्मकैदको सजाय
- मुख्यमन्त्री कँडेललाई विश्वासको मत
- आगलागीबाट ७९ घर जले, एकको मृत्यु
- उपनिर्वाचनमा सेना परिचालन गर्न स्वीकृति प्रदान
- डेभलपमेण्ट बैंकर्स एशोसिएसन नेपालको प्रमुख कार्यकारी अधिकृतमा डंगोल नियुक्त
- सिटिजन लाइफद्वारा जेन जेड लक्षित कार्यक्रम सञ्चालन
- सय दिनको रोजगारीको लागि १५ हजार बढीको आवेदन
- सूर्य नेपाल काठमाडौं ओपनको दोस्रो दिन दिनेश र भुवन शीर्षस्थानमा
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया