Techie IT
×
गृहपृष्ठकर्पोरेटकाठमाडौंमा ‘खुकुरी सांगीतिक महोत्सव’ आयोजना हुने

काठमाडौंमा ‘खुकुरी सांगीतिक महोत्सव’ आयोजना हुने


काठमाडौं, पुस ११
खुकुरी रमको उत्पादक नेपाल डिस्टिलरीले ‘खुकुरी सांगीतिक महोत्सव’ को आयोजना गर्ने भएको छ । शनिबारको दिउँसो २ बजेदेखि राति १० बजेसम्म काठमाडौँस्थित मल्ल होटेलमा उक्त महोत्सव आयोजना हुने कम्पनीले जनाएको छ । कम्पनीका अनुसार नेपाली युवाहरुलाई खुकुरी रमका विभिन्न स्वादसँगै मनपर्ने संगीतकारहरुको प्रत्यक्ष प्रस्तुति अनुभव दिलाउने उद्देश्यले यस सांगीतिक महोत्सवको आयोजना गर्न लागिएको हो ।

कार्यक्रममा खुकुरीका विभिन्न पेय पदार्थमध्ये ‘हट रम पन्च’ कक्टेल मुख्य आकर्षण रहने छ । पहिलो पटक आयोजना हुन गइरहेको यस महोत्सवमा बिक्की गुरुङ, बर्तिका इयम राई, विपुल क्षेत्री, द एलिमेन्ट्स, भेक, ब्लुज एण्ड स्पार्क, पहेँलो बत्ति मुनि तथा ५ः५५ जस्ता लोकप्रिय कलाकारहरुको सांगीतिक प्रस्तुति रहने छ भने डि जे फिन्जोक, डि जे बिकी कुल, डि जे बिपिएम, डि जे विधान, डि जे नील, डि जे मनिष र डि जे पल टेन जस्ता चर्चित डि जेहरुले पनि आफ्नो संगीत प्रस्तुत गर्नेछन् । यसअघि खुकुरी रमले ‘खुकुरी म्युजिक टुर’ नामले स्थानीय सांगीतिक कार्यक्रम आयोजना गर्दै आएको थियो ।


क्याटेगोरी : कर्पोरेट

तपाईको प्रतिक्रिया