एनसेलको नयाँ वर्ष अफर, डेटा प्याकमा ५० प्रतिशत छुट

काठमाडौं, पुस १६
एनसेलले अंग्रेजी नयाँ वर्षको अवसर नयाँ अफर ल्याएको छ । एनसेलका अनुसार सन् २०२० को पहिलो दिन जनवरी १, एनसेल ग्राहकका लागि विशेष दिन हुनेछ । यो दिन एनसेलका ग्राहकले ५० प्रतिशत छुटमा मासिक डेटा प्याकहरु सुचारु गरी सुलभ दरमा डेटा सेवाको फाइदा लिन सक्नेछन् ।

एनसेल प्रालिले नयाँ वर्ष २०२० को अवसरमा आकर्षक अफर ल्याएको छ जसअन्तर्गत एनसेलका प्रिपेड तथा पोस्टपेड ग्राहकले ५० प्रतिशत छुटमा १६ जिबी र ६ जिबी मासिक डेटा प्याकको मजा लिन सक्नेछन् । यो अफर यही बुधबारदेखि लागू भई २४ घण्टाको लागि मान्य रहनेछ । एनसेलका ग्राहकले बुधबार बिहान १२.०० बजेदेखि मध्यरात ११.५९ सम्ममा ५० प्रतिशत छुटमा यी दुईवटा मासिक डेटा प्याक सुचारु गर्न सक्नेछन् ।

यो योजनाअन्तर्गत ग्राहकले करसहित एक हजार २० रुपैयाँ २४ पैसा पर्ने १६ जिबी प्याक करसहित मात्र ५ सय १० रुपैयाँ १२ पैसामा सुचारु गर्न सक्नेछन् । त्यस्तै यही योजनाअन्तर्गत ग्राहकले कर सहित ४ सय ५३ रुपैयाँ ३० पैसा पर्ने मासिक ६ जिबी (३ जिबी प्लस ३ जिबी फोरजी डेटा) डेटा प्याक कर सहित मात्र २ सय २६ रुपैयाँ ६५ पैसामा सुचारु गर्न सक्नेछन् । ग्राहकले एस्ट्रिक्स१७१२३एस्ट्रिक्स५०ह्यास डायल गरी प्राप्त निर्देशनअनुसार आफ्नो आवश्यकताअनुसारको डेटा प्याक सुचारु गर्न सक्ने कम्पनीले जनाएको छ ।