सुनचाँदी व्यवसायी महासंघको महाधिवेशन शुक्रबारबाट सुरु
काठमाडौं ।
नेपाल सुनचाँदी व्यवसायी महासंघको सातौँ तथा आठौँ वार्षिक साधारणसभा एवं तेस्रो महाधिवेशन शुक्रबारदेखि सुरु हुने भएको छ । महासंघको महाधिवेशन शुक्रबार र शनिबार काठमाडौंमा हुनलागेको हो ।
महासंघको साधारणसभा तथा अधिवेशनमा देशभरका ६५ जिल्ला÷नगर संघ तथा वस्तुगत र एसोसिएट सदस्यहरुको तर्फबाट छ सयभन्दा बढी प्रतिनिधि र पर्यवेक्षकहरुले सहभागिता जनाउनेछन् । कोरोना संक्रमणको विद्यमान अवस्थालाई मध्यनजर गर्दै सरकारले तोकेको स्वास्थ्य मापदण्डअनुरुप कार्यक्रम सञ्चालन गरिने महासंघले जनाएको छ ।
साधारणसभाको अर्थमन्त्री विष्णु प्रसाद पौडेलले उद्घाटन गर्ने कार्यक्रम छ । शुक्रबार काठमाडौंको होटल याक एण्ड यतिमा उद्घाटन सत्र हुनेछ भने शनिबार बन्दसत्र तथा निर्वाचनको कार्यक्रम तय भएको छ । निर्वाचनबाट ५५ सदस्यीय नयाँ कार्यसमिति चयन हुनेछ । महासंघले पनि संघीय संरचनालाई आत्मसात् गर्दै सातवटै प्रदेशमा प्रदेश महासंघ गठन गरेअनुरुप प्रदेश महासंघहरुको निर्वाचन गरिसकेको छ ।
साधारणसभामा कोरोना महामारीका कारण र नेपाल सरकारबाट सुनको कोटालाई २० किलोबाट १० किलोमा झारी आधा कटौती गरेपछि अत्यधिक रुपमा प्रभावित बनेको सुनचाँदी व्यवसायलाई पूर्ववत् अवस्थामा फर्काउन साझा अजेन्डाका लागि गम्भीर छलफल हुनेछ ।
२०६९ फागुन २० गते विधिवत् दर्ता भएको महासंघले देशभरिका सुनचाँदीका व्यवसायीहरुको हकहित र अधिकारप्राप्तिका लागि मात्र नभई गुणस्तरीय गरगहनाहरुको उत्पादन, व्यावसायिक इमानदारिता, उपभोक्तामुखी सेवा र सामाजिक उत्तरदायित्वको साथ देशको आर्थिक समृद्धिमा योगदान गर्न गराउन पनि महत्वपूर्ण भूमिका निभाउँदै आएको छ ।
क्याटेगोरी : कर्पोरेट-वाणिज्य-उद्योग
ताजा अपडेट
- कांग्रेस नेता अफताब आलमलाई जन्मकैदको सजाय
- मुख्यमन्त्री कँडेललाई विश्वासको मत
- आगलागीबाट ७९ घर जले, एकको मृत्यु
- उपनिर्वाचनमा सेना परिचालन गर्न स्वीकृति प्रदान
- डेभलपमेण्ट बैंकर्स एशोसिएसन नेपालको प्रमुख कार्यकारी अधिकृतमा डंगोल नियुक्त
- सिटिजन लाइफद्वारा जेन जेड लक्षित कार्यक्रम सञ्चालन
- सय दिनको रोजगारीको लागि १५ हजार बढीको आवेदन
- सूर्य नेपाल काठमाडौं ओपनको दोस्रो दिन दिनेश र भुवन शीर्षस्थानमा
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया