Techie IT
×
गृहपृष्ठकर्पोरेटओप्पोले ‘मल्टिपल स्टार्स’सँगै एफ–१९ प्रो सार्वजनिक गर्दै

ओप्पोले ‘मल्टिपल स्टार्स’सँगै एफ–१९ प्रो सार्वजनिक गर्दै


काठमाडौं ।
ओप्पोले एफ–सिरिजअन्तर्गत सार्वजनिकको तयारीमा रहेको आफ्नो नयाँ फ्ल्यागशिप फोनका बारेमा सांकेतिक जानकारी दिनथालेको छ । कम्पनीले आफ्ना सामाजिक सञ्जाल प्ल्याटफर्ममार्फत सुुरुवाती रुपमा ‘गेस दि ओप्पो स्टार’ क्याम्पेनको थालनी गरेको छ । टिजरहरू नियाल्दा आफ्नो नयाँ फ्ल्यागशिप मोडलका लागि कम्पनीले मल्टिपल स्टार्सका साथमा भव्य इभेन्ट वा क्याम्पेनको तयारी गरिरहेको अनुमान लगाउन सकिन्छ ।

नेपालमा पहिलोपटक सन् २०१६ मा सार्वजनिक एफ–सिरिजका स्मार्टफोन ओप्पोद्वारा प्रस्तुत उत्पादनहरूमध्येकै सर्वाधिक लोकप्रिय सिरिजका रुपमा स्थापित छ । अब कम्पनीले आफ्नो लोकप्रिय सिरिजलाई ओप्पो एफ१९प्रोमार्फत थप अगाडि लैजाने तयारी गरेको छ । फोनमा प्रयोग हुने अल्ट्रा स्लिम बडी डिजाइन तथा अत्याधुनिक नवप्रवर्तनात्मक प्रविधिहरूका कारण ओप्पो एफ१९प्रोले एफ सिरिजको मात्र नभई समग्र ब्राण्डकै लोकप्रियतालाई थप नयाँ उचाइ प्रदान गर्ने विश्वास लिइएको छ ।

ओप्पो एफ१९प्रोले हल्कापन र डिजाइनको परिभाषामै नयाँ आयाम थप्दै ओप्पो तथा एफ सिरिजअन्तर्गतकै सर्वाधिक फेसनेबल स्मार्टफोनका रुपमा स्थापित हुने कम्पनीले दाबी गरेको छ । हालसम्म कम्पनीले उत्पादन सार्वजनिक गर्ने मितिबारे भने कुनै आधिकारिक जानकारी दिएको छैन । तथापि यही महिनाभित्रै उत्पादन सार्वजनिक हुने सम्भावना प्रबल देखिन्छ । हालसम्म कम्पनीले ओप्पो एफ१९प्रो का विशेषताहरूबारे आधिकारिक जानकारी दिएको छैन ।


क्याटेगोरी : कर्पोरेट

तपाईको प्रतिक्रिया