अर्घाखाँची सिमेन्टद्वारा स्वास्थ्य चौकी निर्माण गरी हस्तान्तरण
काठमाडौं ।
अर्घाखाँची सिमेन्ट प्राइभेट लिमिटेडले रुपन्देहीको सियारी गाउँपालिका वडा नं–२ मैनहियामा स्वास्थ्य चौकी भवन निर्माण गरी भवनको उद्घाटन गरेको छ । उक्त भवनको लुम्बिनी प्रदेशका स्वास्थ्य तथा जनसंख्यामन्त्री भोजप्रसाद श्रेष्ठ र अर्घाखाँची सिमेन्टका निर्देशक राजेश कुमार अग्रवालले उद्घाटन गरेका हुन् ।
अर्घाखाँची सिमेन्टले स्वास्थ्य सामग्रीसहित भवन निर्माण गरेर हस्तान्तरण गरेको हो । सो भवनको उद्घाटन कार्यक्रम बुधबार सियारी–२, मैनहिया, रुपन्देहीमा रहेको थियो । उक्त भवन निर्माण गर्न ७० लाख रुपैयाँ लागेको कम्पनीले जनाएको छ । अर्घाखाँची सिमेन्टका निर्देशक राजेश कुमार अग्रवालले मैनहिया गाउँपालिकाका स्थानीयलाई पहिले स्वास्थ्यचौकी आफ्नो घरबाट धेरै टाढा भएकाले समस्या उत्पन्न भएकोले उनीहरुको हितमा ध्यान राखेर स्वास्थ्यचौकी भवन निर्माण गरिएको बताए ।
कम्पनीले आफ्नो स्थापनाकालदेखि नै विभिन्न सामाजिक उत्तरदायित्वका कार्यहरु गर्दै आइरहेको जनाएको छ । कम्पनीले मैनहिया गाउँपालिकाका विद्यालयलाई पठन पाठनका लागि सामग्री वितरणका साथसाथै विगतमा पनि स्थानीय निकायलाई शिक्षा, सरसफाइ, खाना र सडक निर्माणमा सहयोग पु-याउँदै आइरहेको छ ।
गत वर्ष कम्पनीले लुम्बिनी प्रान्तीय सरकारले बनाएको कोरोना भाइरस रोकथाम र उपचार कोषका लागि पाँच दशमलव एक मिलियन विनियोजन गरेको थियो । साथै सियारी गाउँपालिकालाई दुई लाख नगद र पाल्पा जिल्लाको तिनाउँ र माछागढी ग्रामीण नगरपालिकालाई २० लाखको राहत सामग्री वितरण गरेको थियो ।
क्याटेगोरी : कर्पोरेट-वाणिज्य-उद्योग
ताजा अपडेट
- बसको ठक्करबाट तीर्थयात्रीको मृत्यु
- नेपाल–चीन सहायता परियोजनाको पहिलो बैठक सम्पन्न
- ओहोदाको प्रमाणपत्र प्रस्तुत
- भगवती लेमिनेट्सको शंकास्पद आगलागी प्रकरणमा शिखर इन्स्योरेन्सको स्वीकृति
- बैंकिङ प्रणालीमा कसरी बढ्यो आठ खर्ब रुपैयाँ निक्षेप ?
- विदेशी लगानी ‘अटोमेसन प्रणाली’बाट ल्याइने
- तरलता व्यवस्थापन गर्न ३५ अर्ब तान्दै राष्ट्र बैंक
- नेपाल र कतारबीच आठ क्षेत्रमा सहकार्य हुने
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया