जगदम्बा मोटर्सको एनटर्कियन राइड सम्पन्न

काठमाडौं । टीभीएस मोटर कम्पनीको एकमात्र आधिकारिक वितरक जगदम्बा मोटर्सद्वारा आफ्नो एनटर्क परिवारमा ५० हजार सदस्यहरु पुगेको अवसरमा एनटर्कियन राइडको आयोजना सम्पन्न गरेको छ । सो राइड गत शनिबारको दिन नक्सालको टीभीएस शोरुमदेखि धुलिखेलको मिराबेल रिसर्ट होटल सम्म भएको थियो । राइडको बीचमा महालक्ष्मीस्थान,कौशलटार र भक्तपुरका टीभीएसका शोरुमहरुका बिक्रेताद्वारा स्वागत आयोजना गरिएको थियो । भेन्युमा पुगेलगत्तै कलाकार रोजिलिन श्रेष्ठसँगको लाइभ म्युजिक, मनोरञ्जक खेलहरु र सहभागीहरुसँग एक अन्तर्क्रियात्मक कार्यक्रम गरिएको थियो ।

यो सेलिब्रेसनको मुख्य उद्देश्य भनेको सबै दर्ता गरिएकामध्ये चुनिएका एनटर्किएनहरुलाई एकै ठाउँमा ल्याउने र एक एनटर्किएन क्लबको गठन गर्नु थियोे । यसले सबै राइडरहरुलाई एक अर्कासँग जोड्नका लागि र आफ्नो एनटर्कियन अनुभव एक अर्कासँग बाडँ्न मद्दत गरेको छ । लाइसेन्स भएका सबै एनटर्कियनहरुले जगदम्बा मोटर्स टीभीएसको आधिकारिक फेसबुक पेजको माध्यमबाट अनलाइन दर्ता गरेर यस सेलिब्रेसन राइडमा भाग लिएका कम्पनीले जनाएको छ । यो राइड सबै सुरक्षा प्रोटोकलहरुलाई अपनाएर र नेपाल सरकारको अनुमति लिएर आयोजना गरिएको थियो ।

सो अवसरमा जगदम्बा लिमिटेडका उपाध्यक्ष दीपक अग्रवालले भने, ‘हामी हाम्रो टीभीएस परिवारमा ५० हजार सदस्यहरु पुगेको घोषणा गर्न पाउँदा अत्यन्तै खुसी छौँ र सबै एनटर्कियन राइडरहरुलाई हार्दिक बधाई दिन चाहन्छौँ ।

एनटर्कियनहरुले हामीमाथि गर्नुभएको विश्वास र यति धेरै उत्साहित युवाहरुको यस राइडमा उपस्थिति रहेको देख्न पाउँदा म एकदमै हर्षित छु । म आशा गर्दछु कि हामीले यो कार्यक्रम आयोजना गर्दा जति रमाइलो अनुभव ग-यौ एनटर्कियन राइडरहरुले पनि यस राइडमा त्यति नै रमाइलो अनूभूति गर्नुभयो । ग्राहकहरुको लागि सबैभन्दा उच्चस्तरको सेवा प्रदान गर्नमा दृढ विश्वास गर्दछौँ । राइडरहरुले हामीप्रति देखाएको उत्साहले स्वर्ण मापदण्डहरु सेट गर्न तथा तिनीहरुलाई सफल पार्न प्रेरित गरेको छ ।’

सन् २०१८ मा टीभीएस एनटर्क १२५ नेपालमा पहिलो ब्लुटुथ जडान गरिएको स्कुटरको रुपमा सुरु गरिएको थियो र त्यहाँदेखि यसले सधैँ आफ्नो स्थान सुनिश्चित राखेको छ । हेर्दा राम्रो र नयाँ टेक्नोलोजीले गर्दा यो छोटो समयमा सबैभन्दा बढी बिक्री हुने स्कुटर बन्नपुगेको छ । अहिले यो यसको इन्डस्ट्री फस्ट टेक्नोलोजी, बेजोड शैली र उच्च प्रविधिले गर्दा बजारमा उत्कृष्ट प्रदर्शनको पर्यायवाची भएको छ । टीभीएसका पाँच प्रकारहरु छन् जसमा एनटर्क ड्रम, एनटर्क डिस्क, एनटर्क रेस एडिसन, एनटर्क स्क्वाड एडिसन र एनटर्क आरटीएफआई पर्दछन् ।