Techie IT
×
गृहपृष्ठकर्पोरेटअमेरिकाको नयाँँ नीतिको स्टडी ग्रुपद्वारा समर्थन

अमेरिकाको नयाँँ नीतिको स्टडी ग्रुपद्वारा समर्थन


काठमाडौं । अध्ययन पूरा गरेपछि अमेरिकामा विज्ञान, प्रविधि, इन्जिनियरिङ र गणित (स्टिम) विषयहरूमा करियर बनाउने अन्तर्राष्ट्रिय विद्यार्थीहरूलाई सजिलो हुने गरी बिडेन–ह्यारिस प्रशासनले हालै घोषणा गरेको नयाँ कार्यहरूलाई स्टडी ग्रुपले स्वागत गरेको छ ।

अध्ययनपश्चात् अमेरिकामा आफ्नो करियर निर्माण गर्न चाहने मेधावी अन्तर्राष्ट्रिय विद्यार्थीहरूका लागि बिडेन–ह्यारिस प्रशासनले भर्खरै आफ्नो केही योजनाहरु घोषणा गरेको छ, जसले विद्यार्थीको अध्ययनपछिको रोजगारी र अमेरिकाको बसाइलाई सजिलो बनाउनेछ । ती योजनाहरुअनुसार स्टिम अप्सनल प्राक्टिकल ट्रेनिङ (ओपीटी) कार्यक्रममा अध्ययनका लागि २२ नयाँ विषयहरु थपिएका छन् । एफ–१ भिसा भएका अन्तर्राष्ट्रिय विद्यार्थीहरूलाई उक्त विषयहरुमा स्नातक, स्नातकोत्तर र पीएचडी गर्न सक्षम बनाउन र अध्ययनपश्चात् कामको अनुभव प्राप्त गर्न ३६ महिनासम्म अमेरिकामा बस्न पाउनेछन् । यसबाहेक, अमेरिकी सरकारको शैक्षिक र सांस्कृतिक मामिला हेर्ने ब्यूरो (ईसीए)ले आप्रवासी–आप्रवासी ब्रिज युएसए एक्सचेन्ज आगन्तुकहरूलाई सुविधा दिनेछ । साथै जे–१ स्नातक र स्नातकोत्तर विद्यार्थीहरूलाई ३६ महिनासम्म स्टिम क्षेत्रहरूमा थप शैक्षिक प्रशिक्षण पनि प्रदान गर्नेछ ।

यसैबीच, विज्ञान, व्यवसाय, शिक्षा, वा एथलेटिक्सको क्षेत्रमा अभूतपूर्व कौशलता प्रदर्शन गर्ने व्यक्तिहरूलाई ओ–१ ए नन–इम्मिग्रेन्ट स्टेटस पनि उपलब्ध हुनेछ । स्टडी ग्रुपका युनिभर्सिटी पार्ट्नरशिपको कार्यकारी उपाध्यक्ष जोशुआ रुबिनले विज्ञान, प्रविधि, इन्जिनियरिङ् र गणित विधाका विश्वव्यापी प्रतिभाहरूलाई आकर्षित गर्न अमेरिकी सरकारले पेश गरेको नयाँ योजनाहरूलाई स्वागत गरेको बताए ।

यस योजनाले संयुक्त राज्य अमेरिकामा स्टिम विधामा डिग्री–स्तरका कार्यक्रमहरू अध्ययन गर्न इच्छुक अन्तर्राष्ट्रिय विद्यार्थीहरूले विश्वस्तरीय शिक्षा लिन र सम्बन्धित कामको अनुभव प्राप्त गर्नसक्ने उनको भनाइ छ । स्टडी ग्रुप एक अन्तर्राष्ट्रिय शिक्षा प्रदायक हो, जसले विविध प्रतिभा र पृष्ठभूमि भएका युवाहरूलाई उपयुक्त हुने पाँच सयभन्दा बढी शिक्षण कार्यक्रमहरू प्रदान गर्दछ । यसको बेलायत र युरोप, उत्तर अमेरिका, अष्ट्रेलिया र न्युजिल्याण्डका विभिन्न विश्वविद्यालयहरूसँग काम गरेको आफ्नो अनुभवले प्रतिभाशाली विद्यार्थीहरूलाई अन्तर्राष्ट्रिय शिक्षाजगत्मा आफ्नो पहिचान बनाउन मद्दत गर्दछ ।


क्याटेगोरी : कर्पोरेट

तपाईको प्रतिक्रिया