Techie IT
×
गृहपृष्ठकर्पोरेटनेपाली बजारमा ओप्पो ए७६ सार्वजनिक गर्ने तयारी

नेपाली बजारमा ओप्पो ए७६ सार्वजनिक गर्ने तयारी


काठमाडौं । ओप्पोले नेपालमा ‘ए’अन्तर्गत नयाँ स्मार्टफोन ओप्पो ए७६ सार्वजनिक गर्ने घोषणा गरेको छ । ओप्पो ए७६मा कम्पनीले आफ्नोे स्वामित्वको ओप्पो ग्लो डिजाइन निर्माण प्रक्रियाको परम्परालाई निरन्तरता दिँदै स्टाइलिस तथा टिकाउ उत्पादन पस्कने जानकारी दिएको छ ।

ओप्पो ए७६मा अभूतपूर्व दृश्य अनुभव पस्किने सोचका साथ ६.५६ इञ्चको पञ्च होल स्क्रिनलाई परिष्कृत गर्दै यसमा अझ प्रतिक्रियात्मक ९० हज रिफ्रेस रेट र १८० हज टच स्याम्प्लिङ रेट डिस्प्ले उपलब्ध गरिने बताइएको छ । प्रयोगकर्तालाई उत्पादनमूलक रहन तथा आवश्यक पर्दा मनोरञ्जन प्रदान गर्न सकियोस् भन्ने उद्देश्यका साथ यसमा ३३ वाट सुपरभोक चार्जिङ सुविधासहितको पाँच हजार एमएएच क्षमताको ब्याट्री पनि उपलब्ध हुने जानकारी दिइएको छ । ओप्पो नेपालका ब्राण्ड डिरेक्टर पियरसन शेनका अनुसार स्टाइल र कार्यक्षमतामा ओप्पो ए७६मा कुनै सम्झौता गरिएको छैन ।

ट्रेण्डी डिजाइनसहितको यो फोनमार्फत सक्रिय अवस्थामा अमूल्य पलहरुलाई तस्बिरमा कैद गर्ने कार्यमा सहजतार्थ उच्चकोटीका एआई सक्षम क्यामेराहरु पनि दिइएको छ । यसमा प्रयोग गरिएको ३३ वाट सुपरभोक चार्जिङ सुविधासहितको पाँच हजार एमएएच क्षमताको ब्याट्रीले प्रयोगकर्तालाई ब्याट्री सकिने चिन्ता बिना आफ्नो दैनिकीको मज्जा लिन सघाउने उनले बताए ।


क्याटेगोरी : कर्पोरेट

तपाईको प्रतिक्रिया