परिसंघको युवा उद्यमी मञ्चले नेपाल स्टार्टअप्स फेष्टको आयोजना गर्ने
काठमाडौं । नेपालमा नवप्रवर्तनकारी व्यवसाय (स्टार्टअप्स)को प्रवर्द्धनका लागि नेपाल उद्योग परिसंघ युवा उद्यमी मञ्चले सीएनआईवाईईएफ नेपाल स्टार्टअप्स फेष्टको आयोजना गर्ने भएको छ । मञ्चले आगामी जुन २५ मा होटेल सोल्टीमा उक्त कार्यक्रमको आयोजना गर्ने भएको हो ।
नेपालमा स्टार्टअप्सलाई अभियानका रुपमा अघि बढाउने र नवप्रवर्तनकारी व्यवसायलाई अर्थतन्त्रको महत्वपूर्ण अंगको स्थापित गर्ने उद्देश्यले यस कार्यक्रम आयोजना गर्न लागिएको मञ्चका अध्यक्ष अमुन थापाले जानकारी दिए । उक्त कार्यक्रममा स्टार्टअप्सले लगानी लागि प्रस्ताव पनि पेस गर्ने व्यवस्था पनि मिलाइएको मञ्चका पूर्वअध्यक्ष चाङ अग्रवालले बताए । लगानीको आवेदनका लागि २७ जेठसम्मको समय अवधि तोकिएको छ । चाङका अनुसार यस्तो कार्यक्रम नेपालको इतिहासमा नै पहिलो पटक हुनलागेको हो । चार मिलियन डलरबराबरको लगानीका लागि आशयपत्रमा हस्ताक्षर समेत भइसकेको उनले बताए ।
उनका अनुसार टिम भेन्चर, ग्लोबल इक्विटी फण्ड, आध्यता फण्ड मेनेजमेन्ट, हिमालयन क्यापिटल र टेलिभेन्चर पार्टनर प्रालिले संयुक्त रुपमा करिब ५० करोडको आशय दिइसकेका छन् । होटल हिमालयमा गत वैशाख २९ गते उक्त सस्थाहरुसँग आशयपत्रमा हस्ताक्षर समेत गरिसकेको उनले बताए । साथै सोही दिन नेपाल प्राइभेट इक्विटी एसोसिएसन, इम्प्याक्ट हब, रोबोटिक्स एसोसिएसन नेपाल र इन्टरप्रेरनासँग पनि सहकार्य गर्न सम्झौता गरिसकेको उनले जानकारी दिए । कार्यक्रममा विविन्न विधाका सातवटा स्टार्टअप्सहरुलाई सम्मान्नित समेत गरिनेछ । ५० भन्दा धेरै स्टार्टअप्सले आफ्नो वस्तु तथा सेवाको प्रदर्शनी गर्नेछन् ।
क्याटेगोरी : कर्पोरेट-वाणिज्य-उद्योग
ताजा अपडेट
- कांग्रेस नेता अफताब आलमलाई जन्मकैदको सजाय
- मुख्यमन्त्री कँडेललाई विश्वासको मत
- आगलागीबाट ७९ घर जले, एकको मृत्यु
- उपनिर्वाचनमा सेना परिचालन गर्न स्वीकृति प्रदान
- डेभलपमेण्ट बैंकर्स एशोसिएसन नेपालको प्रमुख कार्यकारी अधिकृतमा डंगोल नियुक्त
- सिटिजन लाइफद्वारा जेन जेड लक्षित कार्यक्रम सञ्चालन
- सय दिनको रोजगारीको लागि १५ हजार बढीको आवेदन
- सूर्य नेपाल काठमाडौं ओपनको दोस्रो दिन दिनेश र भुवन शीर्षस्थानमा
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया