कोका–कोलाको ‘कोक उठाऔँ, आफूलाई जगाऔँ’ क्याम्पेन

काठमाडौं । हालै नेपालमा कोका–कोलाले आफ्नो ग्लोबल क्याम्पेन ‘अपलिफ्ट’ को दोस्रो संस्करण सुरु गरेको छ । यो वर्ष क्याम्पेनको ट्यागलाइन ‘कोक उठाऔँ, आफूलाई जगाऔँ’ रहेको छ । कम्पनीका अनुसार यो क्याम्पेनको उद्देश्य उपभोक्ताहरुलाई दिउँसोको अल्छि लाग्दो समयलाई एक बोतल चिसो कोकको साथमा रमाइलो र रिफ्रेसिङ बनाउन सकिन्छ भन्ने सन्देश दिनु हो ।

कोका–कोला नेपालले नयाँ टीभीसी सार्वजनिक गरेको छ, जसमा मोडेल अदिति बुढाथोकीलाई फिचर गरिएको छ । टिभीसीमा अदिति दिउँसोको पट्यारलाग्दो समयमा आफ्नो साथीलाई स्कुलको हल–वेमा पर्खिरहेको देख्न सकिन्छ । त्यसैक्रममा उनको साथी दुईवटा कोक लिएर अदितितर्फ गईरहेको देख्न सकिन्छ । अदिति चिसो कोका–कोला पिउँछिन् अनि कोका–कोलाको रिफ्रेसिङ स्वादले तुरुन्तै अपलिफ्ट हुन्छिन् । रिफ्रेस्ड भएकी अदिति र उनको साथी दुवै जना खुसी हुँदै आफ्नो बाटो लाग्छन् । कोका–कोलाले यो क्याम्पेनभरि कोक पारखीहरुका लागि थुप्रै सरप्राइजहरु तयार पारेको छ ।

बजारमा उपभोक्ताहरूको माग अनुसार कोका–कोलाको विभिन्न साइज र बोतलहरूमा उपलब्ध छन् । जसमा (१७५ एमएल र २५० एमएलका ग्लास बोतल) र २५० एमएल, ५०० एमएल, एक लिटर, १.५ लिटर, २.२५ लिटरका पेट बोतलहरू रहेका छन् । त्यसैगरी बजारमा कोका–कोला जेरो सुगर पनि उपलब्ध रहेको कम्पनीले जनाएको छ ।