Techie IT
आजको आर्थिक दैनिक

Aarthik Dainik

An Economic Newsportal

गृहपृष्ठकर्पोरेट-वाणिज्य-उद्योगहिम इलेक्ट्रोनिक्सद्वारा नयाँबजार खुसिबुमा सामसङको शाखा स्थापना

हिम इलेक्ट्रोनिक्सद्वारा नयाँबजार खुसिबुमा सामसङको शाखा स्थापना


काठमाडौं । हिम इलेक्ट्रोनिक्सले काठमाडौंको नयाँबजार खुसिबुमा नयाँ सामसुङ स्मार्ट प्लाजाको शाखा उद्घाटन गरेको छ । शाखाको उद्घाटन सामसुङ साउथवेस्ट एसिया–नेपाल ब्रान्च हेड मिस्टर पार्क र गोल्छा ग्रुपका अध्यक्ष शेखर गोल्छाले संयुक्त रूपमा गरेका थिए ।

नेपालमा सामसङ इलेक्ट्रोनिक्स र होम अप्लायन्सेसको आधिकारिक वितरक समेत रहेको हिम इलेक्ट्रोनिक्सले दरबारमार्गमा रहेको आफ्नो अत्याधुनिक शोरुमलाई पनि अपग्रेड गर्दै देशकै उत्कृष्ट बनाएको छ । कार्यक्रममा हिम इलेक्ट्रोनिक्सकी निर्देशक सीमा गोल्छाले कम्पनीले अहिले उपत्यकाबाहिर पाँचवटा सामसुङ स्मार्ट प्लाजा रहेको र हालसम्म उपत्यकाभित्र छ वटा आउटलेट सञ्चालनमा रहेको बताइन् ।

निर्देशक गोल्छाले हिम इलेक्ट्रोनिक्सले आगामी दिनमा आउटलेटहरु विस्तार गर्दै ग्राहकहरूलाई सामसुङका गुणस्तरीय सामग्री उपलब्ध गराउने उल्लेख गरिन् । सामसङ स्मार्ट प्लाजाले सामसुङ होम अप्लायन्सेसदेखि सामसुङ मोबाइल फोनसम्मका सामग्रीहरू बिक्री गर्दछ । कम्पनीले विगत २२ वर्षदेखि बजारमा उत्कृष्ट सामग्री उपलब्ध गराउनुका साथै विश्वस्तरमा प्रख्यात सामग्रीहरू उचित मूल्यमा उपलब्ध गराउँदै आएको छ । साथै कम्पनीले दरबारमार्गमा रहेको आफ्नो अत्याधुनिक शोरुमलाई देशकै पहिलो जीएसआई ४.० बनाएको छ ।


क्याटेगोरी : कर्पोरेट-वाणिज्य-उद्योग

तपाईको प्रतिक्रिया